Руфат Акрамхўжаев: "Сурхондарё халқи футболни севади, бу вилоятга албатта футбол керак"

"Бугун қийин учрашув ўтказдик. Афсуски, мағлубиятга учрадик. Учрашув давомида айрим вазиятлар тушунарсиз бўлди. Жамоамиз футболчиларига бу борада эътирозим бор.
Бугунги учрашувда стандарт вазиятларда иккита гол ўтказиб юбордик, бу бизни камчилигимиз, ҳимоямиз бир оз бўш ҳаракат қилди, шу каби хатолар устида янада жиддийроқ ишлаймиз.

Қизил карточка кўрсатилган вазиятда Даниел Насриддиновга қандай айб қўйилди, бу бизга эшитилмади. Ушбу вазиятга учрашув бош ҳаками биздан кўра яқинроқ эди, демак ҳаммасини кўриб-билиб кейин қарор чиқарган, футболчимиз учрашувдаги иккинчи сариқ карточкани олиб майдонни тарк этди.      

Жамоамиз олдида Суперлигага чиқиш вазифаси турибди, бу вазифа хеч қачон ўзгармайди, биз ҳар бир учрашувга ғалаба учун майдонга тушамиз. Мақсадимиз турнир жадвалида 1-ўринни эгаллаш ёки ўтиш ўйинларида ғалаба қозониб, Суперлигага чиқиш. Сурхондарё халқи футболни севади, бу вилоятга албатта футбол керак.  

Бекзод Толибов ёзиб олди.

“Сурхон” матбуот хизмати билан хамкорликда тайёрланди.