Россия чемпионати, 22-тур. "Краснодар"дан йирик ғалаба, Одил Аҳмедов гол урди ва голга ассистентлик қилди

Одил Аҳмедов тўп тепаётган "Краснодар" жамоаси ушбу турда Москванинг "Динамо" клуби меҳмони бўлди. Олег Кононов бошчилигидаги "Краснодар" Москвада кечган баҳсда ишончли ва йирик ҳисобдаги ғалабани тантана қилишди. Дастлаб мезбонлар футболчиси Алексей Ионов ўйиннинг 27-дақиқасида ҳисобни пенальтидан очган бўлса, Павел Мамаев орадан 4 дақиқа ўтиб айнан 11-метрлик жарима зарбасидан мувозанатни тиклади. Биринчи бўлим ҳеч бир жамоанинг ҳисобдаги устунлигисиз тугади - 1:1.
Иккинчи бўлим дебютида Вячеслав Подберёзкин Мамаевнинг тўп оширишидан сўнг жамоасини ҳисобда олдинга олиб чиқди. Учрашувнинг 69-дақиқасида эса Фёдор Смолов ҳамюртимиз Одил Аҳмедовнинг тўп узатишидан сўнг ҳисобдаги устунликни яна биттага оширди. Ўйин тугашига 8 дақиқа қолганида эса ниҳоят Одил Аҳмедовнинг ўзи ўз номини таблога ёздириб қўйишга муваффақ бўлди. Ўзбекистон терма жамоаси сардори Одил Аҳмедов жамоадоши Перейрадан тўпни қабул қилиб олди ва бир рақиб футболчисини жуда чиройли тарзда алдамчи ҳаракат билан алдаб, жарима майдончаси олдидан чиройли услубда дарвозани аниқ нишонга олди - 1:4.

Ушбу гол ўйинда якуний натижани ўрнатди ва "Краснодар" сафарда "Динамо" устидан керакли ва муҳим ғалабани нишонлади.


Россия чемпионати, 22-тур. Турнир жадвали

Динамо – Краснодар 1:4 (1:1, 0:3)

«Арена Химки»

Голлар: 1:0 – 27, пенальти Ионов, 1:1 – 31, пенальти Мамаев, 1:2 – 47 Подберезкин, 1:3 – 69 Смолов, 1:4 – 82 Одил Ахмедов.

Динамо – Габулов, Дьяков, Хульмен, Ещенко, Морозов, Ионов, Живоглядов, Зобнин (Ташаев, 77), Драгун (Кузьмин, 55), Соснин, Бечирай (Погребняк, 46).

Краснодар – Крицюк, Гранквист, Сигурдссон, Калешин, Петров, Одил Аҳмедов, Каборе, Подберезкин (Ари, 64), Перейра, Мамаев (Быстров, 79), Смолов (Марков, 82).

Огоҳлантиришлар: Драгун (30), Смолов (32), Калешин (61), Перейра (73).