"Роналду, Моутиньо ва Руй Кошта Мессидан кучлироқ". Бруну Фернандеш мухлислар саволларига жавоб берди

Шу муносабат билан футболчи ўз твиттер саҳифасида #AskBruno хэштеги остида мухлислар берган саволларга жавоб қайтарди.

- Кейинги мавсум саккизинчи рақамли либосда ҳаракат қиласизми?

- Ўйлайманки, бир кун шу рақамда ўйнайман. Аммо ҳозир дўстим Хуан Мата менга яқинроқ бўлгани маъқул.

- Мессидан кучлироқ бўлган уч футболчи?

- Роналду, Моутиньо, Руй Кошта

- МЮга қўшилганингдан кейинги энг эсда қолган вазият?

- Мен жуда кўп яхши лаҳзаларни бошимдан ўтаздим. Аммо энг эсда қоларлиси менимча ҳали олдинда.

- Жонли кўрган энг зўр голингиз?

- Антонио ди Наталенинг "Удинезе" таркибида "Киево"га урган голи

- Бирга ўйнаган энг қувноқ ўйинчингиз?

- Менимча Эрик Байи. Аммо Жесси Лингард ҳам бу борада Байи билан баҳслашиши мумкин.

- Ёшлигингизда қайси футболчига хавас қилардингиз?

- Кўпгина болалар сингари Роналдиньо менинг кумирим бўлган. Унинг ўйинини томоша қилиш ҳақиқий завқ берарди.

- Қарши ўйнаган энг кучли футболчингиз?

- Андрес Иньеста ёки Пирло

- МЮнинг энг чиройли либоси қайси мавсумдагиси?

- Бу кейинги мавсумдаги либосимиз бўлади. 

- МЮ футболчиларининг кийиниш борасидаги диди энг ёмонларидан бири...

- Ҳамманинг ўз услуби бор. Буни танқид қила олмайман.

- Марвел қаҳрамонларидан қайси бирининг ролини ўйнаган бўлардингиз?

- Ўргимчак одам

- Португалия бу йил Жаҳон чемпиони бўлиши мумкинми?

- Нега йўқ?

- Машғулотларда футболчиларнинг оёқлари орасидан тўпни энг кўп ким олиб ўтади?

- Менимча Жейдон Санчо. Ҳар ҳолда айнан у бу ишни қилишга энг кўп ҳаракат қилади.

- АПЛда  сиз қарши ўйнаган энг кучли ярим ҳимоячи ким?

- Кевин де Бруйне