Ромарио: "Неймар Пеледан ўтиб кетиши мумкин"

Неймар ҳали ёш бўлишига қарамай жаҳон футболида ўз ўрнига эга бўлишга улгурди. Бразилия мамлакати Неймарга ишонмоқда. У терма жамоанинг янги тарихини яратишга қодир футболчи. Бразилиялик футболчилар орасида кўп гол киритган футболчилар етарлича топилган. Лекин улар терма жамоа либосида у қадар кўп гол уриша олишмаган. Бу жаҳон чемпионати Неймарга аталмади. Лекин ҳали ҳаммаси олдинда. У энди 22 ёшни қарши олди. Лекин терма жамоанинг энг яхши учта тўпураридан биттаси бўлиб турибди. Агарда Неймар шу тарзда голлар уришни давом эттирадиган бўлса, унда ҳозиргача Бразилия терма жамоасининг биринчи рақамли тўпурари Пелени натижасини янгилашга қодир деб биламан.

Эслатиб ўтамиз, Пеле Бразилия терма жамоаси сафида 92 ўйинда майдонга тушган ва рақиблари дарвозасига 77 марта йўл топа билган. Неймар эса ҳозиргача 58 учрашувда майдонга тушди ва ўз ҳисобига 40 гол ёзиб қўйишга улгурди.