Родриго: "Бенземанинг ўрнини босиш имконсиз, лекин ҳаракат қиламан"

"Жуда хурсандман. Дерби ҳар доим ўзгача аҳамиятга эга. Ғалаба қозониш ва гол уриш имконияти пайдо бўлса... бу жуда яхши. 

Ўйлайманки, мен ҳар доим ўзимга ишониб ўйнаганман. Ўтган мавсум охирида кўпроқ гол ура бошладим, ҳозир эса чемпионат бошиданоқ бу амалга ошяпти. Мен худди шундай руҳда давом этмоқчиман.

Биламан, Карим Бенземанинг ўрнини босиш имконсиз, лекин ҳаракат қиламан. Менда ҳаммаси яхши. Бу мен учун янги роль. Мен яхши ўйнаяпман ва кундан-кунга кучайиб боришни истайман.

Доим Винисиус билан ўйнаш ёқимли. Майдонда унинг ёнида бўлиш – ўзгача туйғу", – деди Мадрид дербисининг биринчи бўлимида гол урган бразилиялик футболчи.