"Реал" — Хуленнинг "қўрқинчли туши"

"Атлетико" мусобақанинг 35-турида "Барселона" билан дурангга рози бўлгач, бу пойгада "Реал"нинг имкониятлари яна ошди. "Қироллик клуби" энди рақибларининг ўйинини кузатиш мажбуриятидан қутулди. Зидан ва унинг йигитлари олдиндаги 4 ўйинни ўз фойдасига ҳал қилса, 35-чемпионлик нақд!

Сўзда ҳаммасини осон, лекин бунинг учун "қаймоқранглилар"дан 4 та қадам талаб қилинади. Тўсиқларнинг биринчиси — "Севилья". 

Real Madrid Marco Asensio - 67', Eden Hazard - 90'

LaLiga . Round 35 10/05/2021, 01:00 2 : 2 Finished

Sevilla Fernando - 22', Ivan Rakitic - 78'

Stadium: Alfredo Di Stefano, 0 spectators

Referee: Juan Martinez

45'

90'

12'  Karim Benzema

21'  Casemiro

66'  Luka Modric (Marco Asensio)

66'  Marcelo (Miguel Gutierrez)

67'  Marco Asensio

67'  Toni Kroos

79'  Vinicius Junior (Eden Hazard)

90'  Eden Hazard

90'  Toni Kroos

22'  Fernando

22'  Ivan Rakitic

56'  Suso

56'  Alejandro Gomez (Youssef En-Nesyri)

74'  Yassine Bounou

78'  Ivan Rakitic

83'  Suso (Oscar Rodriguez)

84'  Joan Jordan (Nemanja Gudelj)

85'  Nemanja Gudelj

88'  Ivan Rakitic (Oliver Torres)

88'  Lucas Ocampos (Luuk de Jong)

Open in Match Center

Андалусияликларни бугун ярим тунда бўладиган ўйинга Хулен Лопетеги бошлаб тушади. Ушбу мутахассисни яхши танийсиз, "Реал"га бегона эмас. 

Ёдингизда бўлса, Испания миллий жамоасини 2018 йилги жаҳон чемпионатига айнан шу мураббий олиб чиққан ва Россиядаги мундиал стартига 1 ҳафта қолганида истеъфога чиқарилган эди. Натижада "қизил фурия" бошқарувига тажрибасиз Фернандо Йерро келган, испанлар турнирдаги иштирокини эрта якунлаган эди. Лопетегенинг Мадриддаги тақдири эса нисбатан аянчлироқ бўлди. "Қироллик клуби"ни 14 ўйинда майдонга бошлаб тушган Хулен 6 тадан мағлубият ва ғалаба, 2 дуранг қайд этди. Ушбу давр ичида бутун фаолиятидаги энг аламли зарбани қабул қилиб олишга ҳам улгурди ("Барселона" — 1:5).

ЕЧЛни қаторасига 3 марта ютган тарихдаги ягона жамоа учун бу шармандаликнинг кулминацияси эди. Шу туфайли Лопетеги 30 октябрь куни Мадриддан ҳайдалди. Ваҳоланки, у 4 ой олдин Россиядаги мундиални ютиб, испан футболи тарихига кириши мумкин эди. Аммо "Реал" таклифига "лаббай", деб жавоб қайтарган мутахассис эҳтимолий қаҳрамонликни реал шармандаликка алмашди. Ўшанда барчамиз испаниялик мутахассиснинг руҳий ҳолатида муаммолар пайдо бўлгани ва уларни енгиш учун психолог ҳузурига серқатнов бўлиб қолгани ҳақидаги хабарларни ўқигандик.

1 йилдан кейин "Севилья"да иш бошлаган Хулен 3 йиллик танаффусдан кейин жамоани кучли тўртликка қайтарди. Жорий мавсум ҳам клубнинг ишлари ёмон эмас — ҳозирча чемпионлик учун имкониятни сақлаб турибди. Бу кўрсатяптики, Лопетеги аслида ёмон мураббий эмас. Шунчаки, Мадридга бориш учун янглиш вақтни танлаган (Зидандан кейин келадиган ҳар кимни шундай тақдир кутиши табиий эди).

Хуленда "Реал"даги фаолияти билан боғлиқ қўрқинчли хотиралар қолган шекилли, мазкур жамоага қарши ўйинларда ҳамон "тиззаси қалтираяпти". "Севилья" билан "Атлетико", "Барселона", "Манчестер Юнайтед", "Интер", ҳатто Европа Лигасини ҳам ютди. Аммо, "қироллик клуби"га қарши 3 ўйин ўтказган мутахассис уларнинг барчасини рақибга "бериб қўйди".

"Реал Мадрид" устози Зинедин Зидан учун эса "Севилья" энг осон рақиблардан бири ҳисобланади. Унинг шогирдлари Андалусия жамоасига қарши ўтган 11 ўйиннинг 8 тасида ғалабани илиб кетган, 1 та дуранг. Зидан "Севилья"га сўнгги бор роппа-роса 3 йил олдин (2018 йилнинг 9 майида) мағлуб бўлган эди.

Қадрли мухлис, Лопетеги бугун ўзи учун нохуш саналган анъанага барҳам беришига ишонасизми?

Уддалаб бўлмас "миссия"