"Реал" Ла Лига ўйинларини "Атлетико" стадионида ўтказишдан бош тортди
11 jun 2020 01:15
News

"Реал" Ла Лига ўйинларини "Атлетико" стадионида ўтказишдан бош тортди

Хабарингиз бор, айни пайтда "қироллик клуби"нинг уй стадиони бўлмиш "Сантьяго Бернабеу" таъмирланмоқда. Клуб мавсумнинг қолган ўйинларини Вальдебабасдаги "Эстадио Альфредо Ди Стефано" ўқув-машғулот базасида ўтказишни режалаштирпти.

Испания чемпионати баҳсларига мухлислар ташрифини чекламаслик ҳақидаги гап-сўзлар фонида "Атлетико" президенти Энрике Сересо қўшниларини "Ванда Метрополитано"да ўз ўйинларини ўтказиш учун таклиф қилмоқчи эди.

"Реал" бундай вариантни кўриб ҳам чиқмайди, аксинча, дарҳол рад қилади, деб хабар берди ESPN.

Marca эса "қаймоқранглилар" Ди Стефано номи берилган ўйингоҳда мавсумни якунлаб қўйишини таъкидлади. Бундан ташқари, стадионларга мухлисларнинг ташрифига рухсат берилган тақдирда ҳам "Реал" томошабинларни аренага киритмайди.

Link :

Source : ESPN

Receive latest football news directly on your phone. Subscribe for our Telegram channel!

Rating: +3