Мадуэке: "Арсенал" Чемпионлар Лигасини ютиши мумкин"

"Рақиб дарвозаси яқинида хавфли вазиятлар яратиш — бу мен жамоамга беришим керак бўлган энг минимал нарса. Гол уриш ва энг юқори самарадорликка эришиш — мен интилишим керак бўлган кейинги босқич. Мен кўпроқ гол уришни истайман. Ўйлайманки, бу даражага етишим мумкин, шунинг учун ҳар кун устида ишлашда давом этаман.

Мен "Арсенал" бу турнирни ютиши мумкинлигини ҳис қиляпман. Шунингдек, Англия чемпионлигини ҳам қўлга киритишимиз мумкиндек туюляпти. Бу бизнинг асосий мақсадимиз бўлиши лозим. Ҳозир яхши ҳолатдамиз, шу боис шунчаки олға интиламиз", – деди Мадуэке.

"Арсенал" 18 очко билан Чемпионлар Лигаси умумий босқичида 1-ўринда бормоқда. "Брюгге" 4 очко билан 31-поғонада кетмоқда.