Равшан Бозоров: "Футболчилар диққат эътиборни йўқотишлари мағлубиятга сабаб бўлди"

 - Бугунги учрашувнинг биринчи бўлимида “Шўртан” футболчилари яхши ўйин кўрсатишди. Танаффус пайтида керакли ўзгаришлар амалга оширганимиздан кейин ўйинимизда ўзгариш кузатилди. Шу сабабли иккинчи бўлимда яхшироқ ўйин кўрсатдик. Аммо, сўнгги дақиқаларда омадимиз чопмади. Умуман олганда учрашув тенг курашлар остида ўтганди. Майдон эгаларини қўлга киритилган ғалаба билан табриклайман. Баҳс охирларида ғалабани сақлаб қолиш учун футболчиларимизда диққат эътиборни бир жойга жамлай олишмагани етишмади деб ўйлайман.

Йигитлар ўйин охирларида бироз чарчаб қолишади. Бундай шароитда вазиятни муносиб тарзда баҳолаш қийин кечади. Йигитлар муддатидан олдин ғалабани қўлга киритдик деб хотиржамликка берилишгани йўқ. Фақатгина диққат эътиборни йўқотишлари мағлубиятга олиб келди. Бундан ташқари омад ҳам мезбонларга кулиб боқди. Учрашувда бирор-бир футболчини алоҳида эътироф этиш мушкул. “Шўртан”нинг барча футболчилари баҳс қаҳрамонлари бўлишди. Ҳар қандай жамоа ҳам қўшиб берилган дақиқаларда ғалабани илиб кетишни уддасидан чиқа олмайди. Ғузорликлар эса буни амалда уддалашди.