Рауф Инилеев: "Гол бўлган вазиятда дарвозабонимизга қарши қўполлик ишлатилганди"
14 apr 2017 19:50
News

Рауф Инилеев: "Гол бўлган вазиятда дарвозабонимизга қарши қўполлик ишлатилганди"

"Обод" - "Олмалиқ" (0:1) учрашувидан сўнг мезбонлар устози Рауф Инилеев ўз фикрларини билдирди.

"Бугунги ўйин биринчи хатога қадар эди. Биз "Олмалиқ" қанда ўйнашини билардик. Кўп ҳаводан тўп узатишлар бўлишини билардик. Уларда бўйи узун футболчилар жуда кўп. Узоқдан кўринмагандир, аммо футбол қоидаларига кўра ҳужум вақтида дарвозабонга тегиш мумкин эмас. Гол бўлган вазиятда бизнинг дарвозабонимизга қарши шундай ўйналди.

Афсуски биринчи таймда Аброр Хусинов жароҳат олиб майдонни тарк этди. Айнан у бурчак тўплари вақтида дарвозабоннинг олдида туриб тўпларни қайтариб турарди. Норхоновда тезлик катта, Хаиповда эса голни сезиш қобилияти кучли. Шу боис Наврўзбек марказда, Норхонов қанотда ўйнади.

"Барселона"да ҳам баъзида ўйини чиқмайди. Рақиб кучли прессинг қилса ҳар қандай жамоа қийналади. Биз бугун тўпни ерда ушлашга ҳаракат қилдик, ўхшамади. Ўтган турда "Олмалиқ" "Насаф"га қарши учрашувда ҳам шундай ўйнаганди ва битта хатодан сўнг гол уришганди", - дейди Инилеев.

Link :

Source : championat.asia

Receive latest football news directly on your phone. Subscribe for our Telegram channel!

Rating: +11