Расман: "Бунёдкор" совринли ўринларсиз қолди

Бугун ана шу тур доирасида "Бунёдкор" жамоаси "Металлург"ни қабул қилди. Учрашувда Азиз Ҳайдаровнинг 50-дақиқада пенальтидан киритган голи "қалдирғочлар"га 3 очко келтирди.

Суперлига. "Бунёдкор" "Металлург"ни мағлуб этди

Шу тариқа, Миржалол Қосимов шогирдлари ўз ҳисобларидаги очколар сонини 21тага етказиб олишди. Улардан кейинги поғонада бораётган "Металлург"нинг очколари эса 16талигича қолди. Бундан кўриниб турибдики, охирги 32-тур натижаларидан қатъи назар "қалдирғочлар" тўртинчи поғонадан пастга тушиб кетишмайди. Улардан тепада бораётган "Навбаҳор" ҳисобида эса 28 очко бор. Демак, расман "Бунёдкор" совринли ўринлардан қуруқ қолди. Суперлига биринчи олтиталигида сўнгги тур олдидан "Бунёдкор" 4, "Металлург" 5 ва "Бухоро" 6-ўринни эгаллаши аниқ бўлиб қолди.

Душанба, 26 ноябрь куни ўтказиладиган "Локомотив" - "Пахтакор" баҳси чемпионлик ўйини бўлиши мумкин.

Суперлигада сўнгги 32-тур учрашувлари 29 ва 30 ноябрь кунлари бўлиб ўтади. Биринчи олтиталикдаги ҳар уччала баҳс 30 ноябрда ўтказилади.

Эслатиб ўтамиз, яқиндагина "Бунёдкор" жамоасидан 6 очко олиб ташланган эди.

Расман: ПФЛ "Бунёдкор"дан 6 очко олиб ташлади

Суперлига турнир жадвали >>>>> Суперлига