Қатар термаси дарвозабони: "10-рақамли ўйинчи ўртага зарба беришини олдиндан кутгандим"
04 feb 2024 05:30
News

Қатар термаси дарвозабони: "10-рақамли ўйинчи ўртага зарба беришини олдиндан кутгандим"

Осиё кубоги чорак финалидан ўрин олган Қатар ва Ўзбекистон терма жамоалари ўртасидаги ўйиндан сўнг, қаҳрамонга айланган дарвозабон Мешал Баршам қандай қилиб пенальтиларни қайтаргани ҳақида гапирди.

— Мешал, учрашувнинг энг яхши ўйинчиси бўлганингиз билан табриклайман. 5, 10 ва 26-рақамли футболчилар берган зарбани қайтаришни уддаладингиз. Бу қандай содир бўлди? Қандай қилиб ўртага берилган зарба йўналишини топа олдингиз?

— Бу футболчилардан бири билан "Насаф"га қарши ўйинда тўқнаш келганман. 10-рақамли футболчи ҳам менга таниш, у ўртага зарба беришини олдиндан кутгандим. Умуман, сериясида озгина омадим келди. Бироқ, асосий фактор айнан пенальтилар сериясига яхши тайёргарлик кўрганим ва рақибни ўрганиб чиққаним деб ўйлайман.

Эслатиб ўтамиз, Қатар термаси дарвозабони Мешал Баршам пенальтилар сериясида Рустам Ашурматов, Зафармурод Абдираҳматов ва Жалолиддин Машариповлар берган зарбаларни қайтаришни уддалади.

Link :

Source : championat.asia

Receive latest football news directly on your phone. Subscribe for our Telegram channel!

Rating: +12