ПСЖ спорт директори: "Почеттино кетишни сўрамаган, Зидан билан учрашув ўтказишни тасаввур қилиш эса кулгили"

"Биз Почеттинонинг кетишини хоҳламаймиз. У ҳеч қачон кетишга рухсат сўрамаган ва Маурисио тўғрисида ҳеч бир клуб бизга мурожаат қилмаган.

Зиданни жуда ҳурмат қиламиз, унинг футболчи ва мураббий сифатида қилган ишлари таҳсинга сазовор, лекин аниқ айта оламанки, у билан ҳеч қандай учрашув бўлмаган.

Ҳатто Париждаги катта меҳмонхонада ҳамманинг кўз ўнгида Зидан билан учрашув бўлиб ўтиши мумкинлигини тасаввур қилиш кулгили", — деди Леонардо.

Аввалроқ Почеттино "Манчестер Юнайтед"га ўтишни, парижликлар эса Зиданни унинг ўрнига таклиф қилмоқчи экани хабар қилинганди.