Превью: Жаҳоннинг энг кучли ҳимоясига қарши "Монако"нинг жўшқин ҳужуми
03 may 2017 17:37
News
![](https://championat.asia/upload/storage/251611_original.jpg)
![](/upload/storage/251611_220.jpg)
Превью: Жаҳоннинг энг кучли ҳимоясига қарши "Монако"нинг жўшқин ҳужуми
Финал чиптаси учун курашаётган "Монако" ҳамда "Ювентус" ўртасидаги драмматик беллашувнинг дастлабки қисмини Францияда томоша қиламиз.
Бу тўқнашувга бир сўз билан супер баҳс, дея таъриф бериш мумкин.
Катта тезликдаги "Монако"
Бу йилги "Монако" ҳужумда даҳшатли кучга эга. "Монако"нинг ҳужумдаги шамолининг тезлигига унча-мунча жамоалар дош бера олишмаяпти. Аввалига гуруҳ босқичида "Тоттенхэм", "Байер", ЦСКА жамоалари, кейинчалик плей-оффда "Манчестер Сити" ҳамда "Боруссия" таслим этилди. "Монако" жорий мавсумда ЕЧЛ ўйинларида жами 21 маротаба тўп киритишни уддасидан чиқди. Бу шунчаки ажойиб натижа. Бу факт жамоанинг ҳужумдаги футболчиларининг салоҳиятини кўрсатиб турибди.
Ушбу мавсум чемпионлар лигасида нафақат "Монако" кашф этилди, балки ёш иқтидор эгаси Килиан Мбаппенинг ўйинлари барчани бирдек ром этди. "Монако"нинг ярим финалга қадар келишида Мбаппенинг хизматлари жуда катта. Килиан жамоасининг плей-Оффдаги барча ўйинларида рақиб дарвозабонларини ранжитишга мувофақ бўлди.
Идеал "Юве"
"Ювентус" жорий мавсумни анча муваффақиятли ўтказмоқда. Айни пайтда жамоа барча мусобақаларда ғолибликни қўлга киритиш имкониятига эга. Европада фақат туринликлар требл қайд этиши мумкин. Бу эса жамоага қўшимча куч беради. ЕЧЛда "Монако" ҳар бир ўйинда гол эмас, голлар ураётганини алоҳида таъкидладик. "Ювентус" эса аксинча, метин ҳимояси билан ажралиб турибди. Туринликлар ушбу мавсумда ЕЧЛ учрашувларида ўз дарвозаларини "қулф"да ушлашни қойиллатишмоқда. "Ювентус" ўтказилган 10 баҳсдан фақатгина иккитасида (гуруҳ босқичида) гол ўтказиб юборган. қолган 8та ўйин "қуруқ" ўтган. "Ювентус"га плей-оффда ҳали ҳеч бир жамоа гол уроганича йўқ. Бу кўрсаткич шубҳасиз "Юве"нинг ҳимоя чизиғи ва дарвозабон Буффоннинг маҳоратидан далолат. Уларга ортиқча таъриф беришга ҳожат йўқ.
Шу билан бирга, жамоанинг ҳужумдаги ишлари ҳам чакки эмаслигини алоҳида қайд этиш лозим. Ҳужум чизиғида Манжукич, Игуаин, Дибала ва Куадрадо сингари юқори даражали футболчилари бор жамоанинг бу борада муаммоси бўлмаслиги ҳам керак аслида.
Нега идеал "Юве"? Масалан "Монако" ҳақида гапирганда, жамоанинг асосий кучи - ҳужум чизиғи эътироф этилади. "Реал"нинг кучли тарафи бу ижрочилар ҳамда майдон маркази. "Атлетико"да ҳимоя "бетон".
Буларни инкор этиб бўлмайди. Лекин шу санаб ўтилган жамоаларнинг ўзларига яраша камчиликлари, муаммоли тарафлари ҳам етарлича. "Монако" ва "Реал"да ҳимоя бетартиблиги, "Атлетико"нинг ҳужуми қолган жамоаларникига нисбатан кучсизлигини мисол келтириш мумкин.
"Ювентус"да эса барча чизиқларда мувозанат мавжуд. Яъни жамоанинг барча чизиқларида тўлиқ баланс йўлга қўйилган. Дарвозада Буффон, ҳимоядаги машҳур "BBC" ёки қанотларда кимлар ўйнашини яхши биласиз. Ярим ҳимояда эса Пьянич ва Хедира асосий ролда. Уларни ўрнини тўлдирадиган футболчилар ҳам захирада етарлича топилади. Ҳужум вакиллари ҳақида ортиқча саволлар бўлмаса керак. Яъни, бир сўз билан айтганда, ҳозирги "Юве" ЕЧЛдаги энг идеал ва камчиликлари энг кам жамоа бўлиб турибди. Бежизга АЛлегри шогирдларини ғолибликка асосий даъвогар сифатида қайд этишмаяпти.
"Ювентус"нинг ҳар бир чизиғи кучли ва уларнинг барчасидан хавф кутса бўлади.
Шижоат ва иштиёқ устун келадими ёки тажриба ва ақл
"Монако"нинг бу йўлга келишини ўзиёқ катта шов-шувларга сабаб бўлди. Жамоа ярим финалга лойиқ. Бу ерга келгунча "Монако" нималарга қодир эканлигини исботлаб қўйди. Ҳозирги шижоаткор ва иштиёқманд жамоа финалга йўл олса ҳам бу сенсация ҳисобланмайди. Чунки "Монако" бу натижага эришса, демак бунга тўла ҳақли бўлади. Ниманинг эвазига бундай натижага эришиши мумкинлигини Жардим шогирдлари аввалги ўйинларда кўрсатиб қўйишди. Лекин "Ювентус" бу ҳимоясида муаммолар қалашиб ётган "Сити" ёки "Боруссия" эмаслигини ҳам унутмаган маъқул.
Шу ерда битта мисол: Туриндаги ўйиндан кейин кўпчилик "Барселона"дан яна "камбэк" кўрамизми, деган ҳаёлда юрганди. Ўшанда ҳам "Ювентус" бу ПСЖ эмаслиги кўп такрорланганди. Бу тўқнашув олдидан ҳам "Монако"га мурожаат қилиб, "Ювентус" бу олдинги иккита рақиби даражасидаги жамоа эмаслигини айтиб ўтиш мумкин. "Ювентус" борасида эса шуни айтиш керакки, туринликлар бундан аввал ҳужум чизиғи "Монако"никидан ҳам кучли жамоага қарши ўйинда ўз дарвозалари даҳлсизлигини сақлаб қолди. Яъни, "Ювентус" бу каби ўткир ҳужумларга қарши чора топа олади.
"Монако"качи? Бунга қисман Франциядаги ажойиб ўйиндан кейин жавоб оламиз.
Жардим & Аллегри
Бундан икки йил аввал ушбу жамоалар мураббийлари нимчорак финалда тўқнаш келишганди. Ўшанда икки ўйин натижасига кўра, Аллегри Жардимдан (1:0) устун келганди. Ўшанда "Монако" ҳозирги тажовузкор, ҳужумкор руҳда ўйнайдиган клуб эмасди. Аксинча, у пайтдаги жамоанинг ҳимоя чизиғи нисбатан кучли эди. "Монако" ҳам шунга монанд ҳимоявий ўйин кўрсатарди. Ўтган йил ичида Леонарду Жардим "ёпиқ" "Монако"ни ҳақиқий тажовузкор жамоага айлантирди. Леонарду Жардим бу вақт мобайнида етарли тажриба ва малака ҳам тўплашга улгурди. Аввалги "Монако" билан ҳозиргисини ўртасида катта фарқ мавжуд.
Аллегри хусусида гапирадиган бўлсак, Массимилиано Аллегри аввало кучли тактик. Аллегрида доимо иккита ёки учта режа бўлади. Тактик пухта саналган Аллегри ҳозирги кунда жаҳоннинг энг кучли мураббийларидан бири бўлиб турибди. Аллегри шу уч йил ичида "Ювентус"да яхшигина ўсишга эришди. "Ювентус" ҳам бу мураббий қўли остида янги поғонага чиқишга эришди. Европада ҳам аввалги "Ювентус"ни қайтарган мутахассис сифатида Аллегри европада катта обрў қозонди.
Аллегрининг "Ювентус"даги асосий миссияси бу ЕЧЛ бош соврини саналади.
Аллегри ўйнатадиган жамоаларни ҳимоявий ёки ҳужумкор ўйин кўрсатади, деб бўлмайди. Аллегри барча зоналарда балансни ушлашга катта эътибор қаратади. Аллегри керакли пайтда ҳужум қилишни, кези келганда эса ҳимояда қандай ўйнаш кераклигини билади.
Мбаппе & Дибала
Бугунги ўйин кўпчиликка Мбаппе ва Дибала қарама-қаршилиги сифатида ҳам қизиқроқ туюлмоқда. Иккита жаҳон футболининг келажаклари сифатида қаралаётган юлдузлар нима каромат кўрсатишаркин?
Мбаппе ЕЧЛ учрашувларини голсиз тарк этмаяпти. Дибала эса муҳим ўйинларда "Ювентус"ни ўз ортидан эргаштира оладиган салоҳиятга эга ижрочига айланган.
Ажойиб иқтидор ва истеъдод соҳибларининг дуэлини мазза қилиб томоша қиламиз.
Кимнинг қўли баланд келишини эса вақт кўрсатади.
Ўтган сафар Мбаппе - Дембеле тўқнашувида Килиан, Дибала - Месси баҳсида эса Пауло устун келганди.
Мбаппе ушбу мавсумда: 19 гол, 5 ассистентлик
Дибала ушбу мавсумда: 17 гол, 6 ассистентлик
"Монако"
Тўпурар: Радамель Фалькао 24 гол
Ассистент: Бернардо Сильва 10
Энг қўпол футболчиси: Фабиньо (11 огоҳлантириш)
"Ювентус"
Тўпурар: Гонсало Игуаин 26
Ассистент: Миралем Пьянич 10
Энг қўпол футболчиси: Хуан Куадрадо (8 огоҳлантириш)
Европа чемпионлар лигаси, ярим финал.
Биринчи учрашув.
"Монако" - "Ювентус" (23:45)
"Стад Луис II, монако" стадиони.
Бош ҳакам: Антонио Матэу (Испания)
"Монако": Субашич; Менди, Жемерсон, Глик, Туре; Бернарду Силва, Фабиньо, Бакайоко, Лемар; Мбаппе, Фалькао.
Ўйнамайди: Боскилья (жароҳат), Каррильо (жароҳат)
"Ювентус": Буффон; Дани Алвес, Бонуччи, Кьеллини, Алекс Сандро; Пьянич, Маркизио; Куадрадо, Дибала, Манджукич; Игуаин.
Ўйнамайди: Хедира (дисквалификация), Пьяца (жароҳат), Ругани (жароҳат)
Даҳшатли ўйинга эксклюзив превью. "Монако" - "Ювентус" (видео)
Similar news
![AMP Logo](https://championat.asia/image/logo-amp.png)
Comments