“Порту” - 21 карра Португалия Суперкубоги соҳиби!

“Мунисипал-ди-Авейру” стадионида кечган учрашувда Сержиу Консейсау шогирдлари “Авеш” жамоаси устидан иродали ғалабага эришишди – 3:1. Ғолиб жамоа таркибида Ясин Браими, Максимильяно Перейра ва Хесус Корона киритилган голларга муаллифлик қилишди. 

Ягона жавоб тўпи “Авеш” футболчиси Клаудио Фалькан ҳисобига ёзилди. “Авеш” 21-асрда умуман “Порту”ни мағлубиятга учратмаган экан. “Порту” сўнгги беш йилда илк бор Суперкубок соҳибига айланди. Сўнгги 4та Кубокдан 3тасини “Бенфика” қўлга киритган эди.