Почеттино: "Месси сабрли инсон. У қийинчиликларни қандай енгиб ўтишни билади"

Аргентиналик Маурисио Почеттино ватандоши Лионель Месси шу пайтгача Лига 1 да гол уролмай келаётганидан хавотирланмаганини билдирди.

"Жамоа характер кўрсатди ва яхши ўйин намойиш қилди. Биринчи таймда зўр ўйнадик.

Месси-Неймар-Мбаппенинг триосининг ўйинида ўсиш бор? Таъкидлаб келганимдек, биз доимо уларни ўз устида ишлашга ундаймиз ва боғлиқлик ҳосил қилишга интиламиз.

Месси?  У чемпионатда гол урмаганидан хавотирда эмасдим. У буюк чемпион, жаҳоннинг энг кучли футболчиси. У сабрли инсон ва қийинчиликларни қандай енгиб ўтишни билади. Яхши ҳамки, Лео гол урди", – деди Почеттино.

Месси "Нант" дарвозасига тўп киритиб, Франция чемпионатидаги дастлабки голини уришга эришди. Бу гол ҳужумчининг Лига 1 даги бешинчи ўйинига тўғри келди.