Пляж футболи: Бахтиёр Намозов Малайзиядаги халқаро турнирдан таклиф олди
19 sep 2014 14:00
News

Пляж футболи: Бахтиёр Намозов Малайзиядаги халқаро турнирдан таклиф олди

Пляж футболи бўйича ФИФА рефериси Бахтиёр Намозов Малайзия Футбол Федерацияси таклифига кўра АСЕАН минтақаси терма жамоалари иштирокидаги халқаро турнир ўйинларини бошқариб боради.

23-29 октябрь кунлари Малайзиянинг Куантан ва Паханг шаҳарларида пляж футболи бўйича АСЕАН минтақаси терма жамоалари ва маҳаллий Фелда клуби иштирокида халқаро турнир бўлиб ўтади. Эътиборлиси, мазкур турнир ўйинларини бошқариб бориш учун, пляж футболи бўйича ўзбекистонлик ФИФА рефериси Бахтиёр Намозов Малайзия Футбол Федерациясидан таклиф олган.

Маълумот ўрнида, мазкур турнирда жами 8та жамоа иштирок этиши режалаштирилган. "А" гуруҳида Индонезия, Таиланд, Вьетнам ва маҳаллий Фелда клуби ўзаро куч синашишса, В гуруҳида Мьянма, Лаос, Филиппин ва Малайзия термалари ўзаро баҳс олиб боришади.

Эслатиб ўтамиз, Бахтиёр Намозов пляж футболи бўйича ўзбекистонлик ягона ФИФА рефериси ҳисобланади.

Link :

Source : the-uff.com

Receive latest football news directly on your phone. Subscribe for our Telegram channel!

Rating: