Latest news

09:38Нико Уильямс “Барселона“га талаб қўйди  2 09:05Суперлига. Бугун 14-тур давом эттирилади  1 08:34"Нефтчи" собиқ футболчисини ортга қайтармоқчи  3 08:03Бугун аёллар терма жамоамиз Осиё кубоги саралашдаги юришини бошлайди  2 07:40Клублар ўртасидаги ЖЧ. "Челси" "Бенфика"ни йирик ҳисобда мағлуб этиб, чорак финалга йўл олди  4 01:50"Ал Ҳилол"нинг собиқ бош мураббийи "Ал Насср"ни бошқаришга рози бўлди  4 00:54Расман: Поль Погба - "Монако" футболчиси!  3 00:36Акмал Рустамов: "Йигитларнинг барчасига раҳмат айтаман, улар бор кучи билан ҳаракат қилишмоқда"  2 00:12Клублар ўртасидаги ЖЧ. "Бенфика" - "Челси" баҳси асосий таркиблари маълум!  5 00:10Мирко Йеличич: "Биз 60 дақиқа яхши ўйнадик"  0 23:55Суперлига. Алибоев супергол урган баҳсда "Нефтчи" "Қизилқум" билан дуранг ўйнади, "Навбаҳор" эса "Машъал"ни йирик ҳисобда енгди  0 23:51Клублар ўртасидаги ЖЧнинг биринчи чорак финалчиси маълум!  0 23:38Виталий Левченко: "Агар реализация яхшироқ бўлганида, ўйин натижасини ҳал қилиб бўлган бўлар эдик"  22 23:23Сергей Лушчан: "Мавсум аввалида бизда аниқ бир мақсад йўқ эди, ҳозир эса... Футболчимизда хориждан таклиф бор"  8 22:50Уильямсни сотиб олса ҳам "Барселона" Рэшфордни трансфер қилишга уриниб кўради  7

Питер Хюистра: "Футболчиларимиз жанг қила олишларини намоён этишди" News

Питер Хюистра: "Футболчиларимиз жанг қила олишларини намоён этишди"

Бугун бўлиб ўтган "Насаф" - "Пахтакор" учрашувидан сўнг матбуот анжумани ташкил этилди.





Бунда "Пахтакор" бош мураббийи Питер Хюистра саволларга жавоб қайтарди. 

- Жудаям қизиқарли баҳс гувоҳи бўлдик, биз олдинги ўйинчалик бугун яхши ўйнай олмадик. "Насаф"нинг бизга қарши зўр тайёргарлик кўргани сезилиб турди ва рақиб ўйинни жуда яхши бошлади. Учрашув аввалида бир нечта хатоларга йўл қўйдик ва бунинг оқибатида "Насаф"да бўш зоналар вужудга келди. 

"Насаф" ҳисобни 2:0 кўринишга келтирганида биз янада қийин вазиятга тушиб қолдик. Аммо жамоамиз характер кўрсатиб якунда 3:2 ҳисобида ғалаба қозона олдик. Футболчиларимиз жанг қила олишларини намоён этишди. Стадион тўла пайт ўйнаш осон эмас, чунки босим юқори бўлади. Лекин иккинчи томондан футболда барибир мухлисларни кўриш ёқимли. 

Ўйлайманки, бизда футболчи алмаштиришлар тўғри бўлди ва бунинг оқибатида ўйинимиз кучайди. Ёш футболчи Иброҳимхалил Йўлдошев ғалаба тўпини киритди, бу эса менга жуда ёқди. Чемпионатни сафарда ғалаба билан бошлаш ёқимли. Энди бу ўйинни унутиб душанба куни бўладиган "Машъал"га қарши баҳсга тайёргарлик кўрамиз, - дея ўз фикрларини билдирди Питер Хюистра. 


- "Насаф"нинг ўйинини қандай баҳолайсиз? Рақибнинг камчилиги нимада бўлди? 

- Нима дейишим мумкин, "Насаф" - яхши жамоа. Улар ҳужумкор футбол намойиш этиб, бизни шошириб қўйишди. Бугунги баҳсда орамиздаги фарқ вазиятлардан фойдаланишда бўлди.


- "Пахтакор"ни етакчи футболчилар тарк этди. Бу йўқотишлар жамоа ўйинига салбий таъсир қилмайдими? 

- Тўғри, жамоамизни бир нечта ўйинчилар тарк этди ва бу футболда бўлиб турадиган ҳолатлардан бири. Биз эса бор таркиб билан ишлашда давом этишимиз керак. Мени хурсанд қилаётган томони - марказий ҳимоямизда Егор Кримец ва Анзур Исмоиловга ўхшаган тажрибали футболчиларнинг борлиги. Шунингдек, ёшлардан Эркинов, Йўлдошев кабиларни айта оламан. Қўлимиздаги бор футболчилардан фойдаланиб кучли таркиб тузишга ҳаракат қиламиз. 


- Икки учрашувдирки ўнг қанот ҳимоячиси Ҳожиакбар Алижонов ўзидан кутилган ўйинни намойиш қила олмаяпти. Қачонки Иброҳимхалил захирадан тушиб, Сайфиев ўнг қанотга ўтказилгач, "Пахтакор" ўйини қовуша бошлади. Кейинги баҳсларда Ҳожиакбарни захирада қолдириб, асосий таркибда Сайфиев билан Йўлдошевни тушириш режангиз борми? 

- Кейинги учрашувда нима бўлишини билмайман, чунки душанбагача олдимизда вақт бор ва ҳали машғулотлар ўтказамиз. Йўлдошев яхши футболчи, у ғалаба тўпини киритганида хурсанд бўлдим. Лекин бизда бошқа яхши футболчилар ҳам бор ва ким машғулотларда ўзини кўрсатса ўшалар бошланғич таркибдан жой эгаллайди. 


- Трансфер ойнаси ёпилгунча "Пахтакор" ўз таркибига легионер қўшиб оладими?

- Албатта, биз бир нечта футболчини кузатиб боряпмиз. Агар ҳар томонлама бизга маъқул келадиган футболчи билан келишувга эришсак, яхши бўларди. Агар бундай бўлмаса, унда ёшлар билан ишни давом эттирамиз.

Rating: +34   

Comments

championat.asia
< show latest news
Яндекс.Метрика