Пепе: "Португалия Европа чемпиони бўлиши учун барча имкониятга эга"

- Биз ўз кучимизга ишонамиз. Терма жамоамиздаги кўплаб футболчилар яқиндагина ўз клубларида чемпионликни нишонлашни, кўплаб совринларга эга чиқишди. Бу эса уларга қўшимча куч ва ўз кучларига бўлган ишончни оширади. Португалияда ғолиблик руҳи юқори.
Терма жамоа бу 23 футболчи бир оила бўлиб жамланган дегани. Ҳар бир футболчи чемпионликка эришиш учун жамоага борини беришга, кучини сарфлашга тайёр. Евро-2016да ғолиблик чўққисига чиқиш орзусидамиз. Португалияда ҳозир ёшлик шижоати ва тажриба уйғунлашган. Мени ёшим 33да, лекин ҳали ҳам янги ғалабаларни қўлга киритишга, чемпион бўлишга чанқоқман. Португалия футболи учун янги муваффақиятлар келтиришга ҳаракат қиламан.
Терма жамоадаги барча футболчиларга майдонга тушишга ва ғалаба қозонишга қодирлар. Асосий таркиб учун кучли рақобат бу Португалия фойдасига хизмат қилади.