Педру Морейра: "Мақсадимиз футбол ўйнаш, доминантлик қилиш ва вазиятларга эга бўлиш. "Пахтакор" ҳар доим шундай ўйин намойиш этиши керак"

- Бугун жамоа чиройли ўйин кўрсатди деб ўйлайман. "Ал Садд"ни енгиб ўта олдик. Биринчи бўлим тўлиқ назоратимиз остида ўтди, назаримда. Натижани янада яхшилашга интилдик. Ўтказиб юборган голимизни бартараф эта олардик, бундай хатоларга йўл қўймасликка интиламиз. Ўйиндан олдинги матбуот анжуманида айтиб ўтганимдек, футболчиларимиз барча вазифаларни яхши бажаришса натижа яхшиланиб бораверади. Энди биз кузатишимиз керак бўлган бир нечта ўйинлар бор. Ўша учрашувларнинг натижасини кутамиз.

Брайан Риаскос

- Бош мураббийимиз айтиб ўтганидек, жамоа дастлабки дақиқаларданоқ жуда яхши ўйинга киришди. Биз бир ҳафта давомида яхши тайёргарлик кўрдик ва бугун барчасини майдонда намойиш этдик. Бугун гол урганимдан ва ғалаба қозонганимиздан жуда хурсандман. Барча жамоадошларига раҳмат айтаман ва уларни ғалаба билан табриклайман. Мақсадимиз мухлисларимизни хурсанд қилиш.

- Бугун барча янги ҳарид қилинган футболчилар майдонга тушди. Риаскос иккита гол уришга ҳам улгурди. Янги футболчилар намойиш этган ўйиндан қониқдингизми?

- Биринчи кунданоқ мен хорижлик ва маҳаллий футболчилар билан қоришган таркибни тузмоқчи эдим. Мен клуб ўз сафига қўшиб олган ҳар бир футболчини синчковлик билан ўрганиб чиққанман ва уларни жамоада кўришни истаганман. Ўйлайманки, бу яхши иш берди. Менинг фикримча, ҳар бир футболчи асосий таркиб учун курашиши керак. Олдимизда ҳали кўп ишлар бор, ўз стратегиямизга кўра ишлашда давом этамиз. Ҳар бир ўйинчининг шахсий устунликларини биламиз. Ушбу маълумотлардан келиб чиқиб, кучли жамоа қуришимиз керак бўлади.

Бугун биз киритган голларда фақатгина бир нечта футболчининг эмас, балки бутун жамоанинг ҳиссаси бор. Биз келажак ҳақида ўйлашимиз керак. Футбол ўйнаш, доминантлик қилиш ва вазиятларга эга бўлиш. Биз ўз дарвозамиздан гол ўтказиб юборганимиздан кейин ҳам тушкунликка тушмадик. Барчасини назорат қилиб тургандик ва ўз ўйинимизни намойиш этдик. Рақибга вазиятга яратишга бермадик. "Пахтакор" ҳар доим шундай ўйин намойиш этишини истайман.

- Легионер ярим ҳимоячи Жонатан Лукка биринчи бўлимда яхши ўйнади, аммо танаффусдан футболчи чарчаб қолгандек туюлди. Луккани захирага олиш тўғри қарор бўлар эди назаримда, лекин Холматов захирага олинди ва унинг ўрнига Лукка билан ўхшашликлари кўп бўлган Бўриев майдонга туширилди...

- Бу бош мураббийнинг вазифаси. Мутахассис майдонда нимани кураётган бўлса шунга мос қарор қабул қилади. Бош мураббийнинг вазифаси шу. Мен ҳар доим футболчиларга ўзининг энг яхши сифатларини намойиш этишга максимал имконият бераман. Бугун барчаси тартибли бўлди. Собирхўжаевнинг четлатиши рўй берди, холос. Бўриев ўйинга зўр қўшилиб кетди ва таянч ярим ҳимоя позициясини яхши эгаллади. Режамиз бўйича барчаси шундай бўлиши керак. Мен ўйинни шундай кўраётгандим. Бундай ҳолатларда ўйин фақатгина бир футболчи эмас, бутун жамоага боғлиқ бўлади. Биз жамоавий футбол намойиш этишимиз керак.

- Ўзбекистондаги дастлабки ғалабангиз билан табриклайман. Ўзингиз аввалроқ айтиб ўтганингиздек "Пахтакор" биринчи бўлимда тўлиқ устунликка эга бўлди, лекин иккинчи бўлимнинг 70-дақиқаларидан сўнг жамоа деярли ҳужумга ўтмай қўйди ва асосан тўпни сақлашга интилди. Туркиядаги назорат ўйинларида ёрқин ўйин намойиш этган Башар Ресан, захирадан майдонга қўшилганидан сўнг ҳужумга ўтиш эмас, тўпни ўзида сақлаб қолиш билан банд бўлди. Бу сизнинг персонал кўрсатмангиз эдими? Баҳс якунига камроқ вақт қолганда ҳужумлар сони камайиб кетишига нима сабаб бўлди?

- Биз бутун ўйин давомида тўхтовсиз ҳаракатландик. "Ал Садд"нинг даражасидан хабардорсизлар. Қатар чемпионати ҳозирги кунда анча қизғин паллада. "Ал Садд" маҳаллий лига баҳслари давомида тўпга кўп эгалик қиладиган жамоа ҳисобланади. Бугун рақибимиз футболчиларни алмаштираётган чоғида, биз уларнинг ўзгаришларига тайёр эдик.

Бундай майдонда футбол ўйнаш осон эмас, устига устак ҳаво анча совуқ эди. Биз имкон қадар рақибга тўпни бермасликка ҳаракат қилдик. Бу бизнинг бор-йўғи иккинчи ўйинимиз. Суперлига ҳали бошланмагани сабабли футболчилар ҳали ўзининг энг яхши жисмоний ҳолатида эмас. Биз буни қанчалик кўп истамайлик, бу ҳозирча иложсиз. Ўйин якунланиб бораётганда бундай хатти-ҳаракатларимиз режамизнинг бир қисми эди. Буни бекорга қилганимиз йўқ. Рақибни тўпсиз қолдиришимиз керак эди.

Брайан Риаскосга савол

- Брайан сиз бугунги учрашувда иккита гол урдингиз. Яқинлашиб келаётган мавсумда нечта гол урмоқчисиз? Айнан аниқроқ рақамни айтиб ўта оласизми?

- Ҳа, мен бугун рақиб дарвозасини икки маротаба ишғол қилдим. Мақсадим кўп голлар уриш ва жамоамга ёрдам бериш.

- Айнан аниқ рақамларни айта оласизми? Масалан, 10та гол ёки 15та...

- Ҳозирча аниқ нечта гол уришимни айта олмайман(кулади). Мен имкон қадар максимал фойдали бўлишга интиламан. Энг муҳими меҳнат қилишимиз керак ва шунда барчаси ўхшайди.

- Бундай майдонда ўйнаш осон эмас деб айтиб ўтдингиз. Сиз майдон ҳолатини назарда тутаётгандингизми? "Пахтакор" Суперлиганинг дастлабки ўйинларини ҳам ушбу стадионда қабул қилади. "ЖАР"даги ўйинлар жамоангизнинг ўйин сифатига таъсир қилиши мумкинми?

- Мен Украинада уч йил давомида ишлаганман. Совуқ ҳавода ҳам, турли хил майдонларда ҳам бўлиб кўрдим. Майдон қандай ҳолатда бўлишидан қатъий назар, биз ўз ўйинимизга эътибор беришимиз керак. Мен кўп майдонларда бўлганман, қайсидир яхшироқ, айримлари эса ёмон ҳолатда. Бугун шунча мухлис стадионга ташриф буюрди ва фан клуб аъзолари меҳнат қилишди. Шундай мухлислар келишда давом этаверишса, "Пахтакор" ҳар хил майдонда ўйнаб кета олади. Мухлислар бугун 12чи ўйинчи вазифасини ўтаб беришди. Барчага раҳмат. Олға, "Пахтакор"!