"Пахтакор"га ўтиши таъкидланган Адебайорга француз клуби шартнома таклиф қилди
20 dec 2019 00:04
News

"Пахтакор"га ўтиши таъкидланган Адебайорга француз клуби шартнома таклиф қилди

"Реал", "Арсенал", "Тоттенхэм", "Манчестер Сити" каби клубларда ўйнаган ҳужумчи ҳозир эркин агент мақомида турибди.

Аввалроқ, тоголик ҳужумчи Тошкентнинг "Пахтакор" клуби бош мураббийи Шота Арвеладзе билан оғзаки келишувга эришгани ҳақида хабар бергандик.

Аммо "RMC Sport" хабарига кўра, Эммануэль Адебайор фаолиятини Франция чемпионатида давом эттириши мумкин экан. "Ним" клуби 35 ёшли ҳужумчига мавсум охирига қадар мўлжалланган шартнома таклиф қилган.

Эслатиб ўтамиз, Адебайорнинг сўнгги клуби Туркиянинг "Кайсериспор" клуби бўлганди.