"Пахтакор"да Сергеевдан яхшироқ Абдухолиқов нега МТЖда йўқ?

Бутун дунёда шу аҳвол. Бугун МТЖнинг таркиби эълон қилинди. Ҳужум чизиғида муаммо кўзга ташланиб турибди. Менимча, шу 5та футболчининг ҳаммасидан ҳам Темурхўжа Абдухолиқов термага муносиброқ, нафақат бугун, эртага ҳам у бизга асқотади. Жорий мавсум жамоасини алмаштириш ниятида бўлган, аммо якунда "Пахтакор"да қолиб, гоҳ асосий таркибда, гоҳ захирада майдонга тушган бўлса-да, бугунги кунга келиб у ўз формасига кириб олган Абдухолиқов жамоадоши Сергеевдан анча кучли. Бир нечта ўйиндан бери имкониятга эга бўлиб турган Нагаевга берилаётган имкониятга у ҳам ҳақли. Авваллари терма жамоамиз ҳужум чизиғида Шацких ҳаракат қиларди. Исоқов, Холмуродов, Бердиев ва Мирхолдиршоев каби чемпионатда камида 25та гол урадиган ҳужумчиларимизга эҳтиёж сезмасдик. Лекин ҳозир 30та гол эмас, ҳеч бўлмаса 3та ўйинда битта гол урадиган ҳужумчига зормиз. Бошқаларга берилаётган имкониятга Темурхўжа Абдухолиқов ҳам ҳақли, у ҳам Ўзбекистон фарзанди, у ҳам ҳужумчи ва 2018 йилги саралаш босқичига келиб у ҳам етилади. Агар ҳозир уни Жепаров, Аҳмедов, Кападзе каби футболчилар орасида пишитиб олмасак, кейин кеч бўлади. Сиз ўқувчилар, бунга нима дейсиз? Ахир футбол фақат Сизлар учун!