"CAFA Nations Cup-2025". Тожикистон уйда Ҳиндистонга ютқазди
29 aug 2025 22:30
News

"CAFA Nations Cup-2025". Тожикистон уйда Ҳиндистонга ютқазди

Бугун "CAFA Nations Cup-2025" турнирида иккинчи гуруҳ ўйинлари старт олди.

Қўшниларимиз ҳисобланган Тожикистон терма жамоаси мусобақанинг илк учрашувида ўз майдонида Ҳиндистон билан куч синашди. Дарвозаларга 3 та гол урилган ўйинда омад ҳиндистонликларга кулиб боқди (1:2). Тожикистон сафидаги ягона голга "Хоразм" ҳужумчиси Шаҳрам Самиев муаллифлик қилди. Кейинги турда 1 сентябрь куни Тожикистон Афғонистон билан, Ҳиндистон Эрон билан тўқнаш келади.

Open in Match Center

"CAFA Nations Cup-2025"

Тожикистон - Ҳиндистон 1:2

Голлар: Шаҳрам Самиев 23 - Анвар Али 5, Сандеш Жинган 13

Кейинги жуфтликда Эрон Афғонистонни 3:1 ҳисобида енгди. Форслар сафида голларга Мажид Ҳоссейни (дубл), Амирхоссейн Хоссейнзода муаллифлик қилган бўлса, Афғонистондан Омид Мусави тўп киритди.