"Пахтакор": 1999 йил тарбияланувчилари очиқ машғулот ўтказишди

Артур Кагиров бошчилик қилаётган гуруҳнинг "Чилонзор" стадионида ўтган машғулотига академия ҳамда БЎСМ-16да фаолият олиб бораётган мураббийлар ташриф буюришди. Бундай машғулотларни ташкил этиш фикри клуб менежери Самвел Бабаян томонидан илгари сурилиб, ўтган ҳафта 1998 йил тарбияланувчилари иштирокида ўтказилганди.

Бўлиб ўтган очиқ машғулотда клуб менежери Самвел Бабаян қатнашди. У ҳар бир машғулот жараёнида мураббийнинг ютуқ ва камчиликлари таъкидлаган ҳолда мураббийларга нималар устида кўпроқ ишлаш зарурлиги, қайси жиҳатларга эътибор қаратиш кераклигини айтиб ўтди. Машғулотлардан кўзланган асосий мақсад мураббийларнинг ҳамфикр бўлиб ишлаши, билимини ошириб бориши ва барча гуруҳ тарбияланувчиларининг асосий жамоа футбол фалсафасига асосланган ўйин намойиш қилишидир.