Ўзбекистонлик ҳакамлар U-22 Осиё Чемпионати баҳсларига таклиф этилдилар
29 oct 2013 19:28
News

Ўзбекистонлик ҳакамлар U-22 Осиё Чемпионати баҳсларига таклиф этилдилар

Ўзбекистонлик ҳакамлар келаси йилнинг январ ойида Уммон мамлакати мезбонлик қиладиган U-22 Осиё чемпионати финал босқичи ўйинларида ишлайдилар.

2014 йилнинг 11-26 январь кунлари Уммон пойтахти Мускат шаҳрида U-22 ёшлар ўртасидаги илк Осиё чемпионати баҳслари бўлиб ўтади. Осиё Футбол Конфедерацияси ёшлар ўртасидаги Осиё чемпионати ўйинларига икки нафар ўзбекистонлик ҳакамни таклиф этди.

Жумладан, ўзбекистонлик ОФК инструктори Фарҳод Абдуллаев Очиё чемионати ўйинларида назоратчи сифатида ишласа, ФИФА лайнсмени Жаҳонгир Саидов ёрдамчи ҳакам сифатида мусобақа ўйинларида ишлайди.

Эслатиб ўтамиз, ОФК миқёсида илк марта ташкил этилаётган 22 ёшгача бўлган ёшлар ўртасидаги (U-22) Осиё чемпионати баҳслари 2014 йилнинг 11-26 январь кунлари Уммон мамлакатида бўлиб ўтади. Мазкур мусобақада Ўзбекистон ёшлар терма жамоаси ҳам иштирок этиш ҳуқуқини қўлга киритган.

Link :

Source : the-uff.com

Receive latest football news directly on your phone. Subscribe for our Telegram channel!

Rating: