Лунин "Манчестер Юнайтед"га ўтиши мумкин

Манбага кўра, 25 ёшли посбонга Англиянинг "Манчестер Юнайтед" клуби қизиқиш билдирган. "Қизил иблислар" устози Рубен Аморим жамоа раҳбариятига дарвозабон сотиб олиш шартини қўйди. Биринчи рақамли нишон - "Астон Вилла"дан жаҳон чемпиони Эмилиано Мартинес, иккинчи рақамли номзод айнан Лунин.

Бироқ, Мартинес Саудия клубларидан янада фойдалироқ молиявий таклифларга эга, шунинг учун инглизлар яқин орада "Реал" билан Лунинга оид музокараларни фаоллаштириши мумкин.

Ўтган мавсумда Лунин барча мусобақаларда 14та ўйин ўтказиб, 19та гол ўтказиб юборган. Бундан ташқари, украиналик олти марта "қуруқ ўйин" ўтказган. Transfermarkt интернет портали маълумотларига кўра, футболчининг тахминий нархи - 18 млн евро.