"Ювентус" колумбиялик юлдузни олиб келмоқчи
30 jan 21:13
News

"Ювентус" колумбиялик юлдузни олиб келмоқчи

"Ювентус" ҳужум чизиғини "Ал Насср" жамоаси форварди Жон Дуран билан кучайтириши мумкин.

Туркиялик журналист Яғиз Сабунжиўғлининг хабар беришича, "Ювентус" 22 ёшли колумбиялик футболчининг трансфери бўйича Саудия Арабистонининг "Ал Насср" клуби билан расмий музокараларни бошлаган.

Айни пайтда Дуран ижара асосида мавсум охиригача "Фенербахче"да ўйнамоқда. Бу эса туринликлар футболчини муддатидан олдин қайтариш учун турк клуби билан ҳам алоҳида музокаралар олиб бориши кераклигини англатади.

Дуран 2025 йилнинг ёзида 77 млн евро эвазига "Астон Вилла"дан "Ал Насср"га ўтган. У Саудия Арабистони гранди таркибида 18 ўйин ўтказиб, 12 та гол урганидан сўнг "Фенербахче"га ижарага берилган.

Туркия жамоаси либосида эса Дуран 21 учрашувда майдонга тушиб, 5 та гол урди ва 3 та голли узатмани амалга оширди.

Link :

Source : x.com/yagosabuncuoglu

Receive latest football news directly on your phone. Subscribe for our Telegram channel!

Rating: +4