"Атлетико" сафидаги ЖЧ ғолиби Каталонияга йўл олиши мумкин
26 jul 2025 12:38
News

"Атлетико" сафидаги ЖЧ ғолиби Каталонияга йўл олиши мумкин

"Жирона" клуби "Атлетико" ярим ҳимоячиси Тома Лемарни ўз сафига қўшиб олмоқчи.

Каталония клуби 2018 йилги жаҳон чемпионини ижарага олиш бўйича музокаралар олиб бормоқда.

Шунингдек, 29 ёшли французга "Райо Вальекано", "Осасуна" ва "Сельта" клублари ҳам қизиқиш билдирмоқда.

Футболчининг мадридликлар билан амалдаги шартномаси 2027 йилга қадар имзоланган. Transfermarkt портали футболчининг нархини 5 миллион еврога баҳоламоқда.

Лемар 2024/25 йилги мавсумда барча мусобақаларда 8 та ўйинда майдонга тушди. У мушак жароҳати туфайли мавсумнинг бир қисмини ўтказиб юборди.