Ўзбекистон U-23 терма жамоасининг уч нафар футболчиси "Келажак бунёдкори" медали билан мукофотланди
29 jun 2022 20:23
News

Ўзбекистон U-23 терма жамоасининг уч нафар футболчиси "Келажак бунёдкори" медали билан мукофотланди

Ўзбекистон Республикаси Президентининг "Мард ўғлон" давлат мукофоти билан тақдирлаш тўғрисида"ги қарори ҳамда "Ёшлар куни муносабати билан юртимизнинг фаол ва ташаббускор ёш авлод вакилларидан бир гуруҳини мукофотлаш тўғрисида"ги Фармони эълон қилинди.

Унга кўра, Ўзбекистон тараққиётига, унинг шон-шуҳратини жаҳон миқёсида янада юксалтиришга муносиб ҳисса қўшаётган, эл-юртимизга меҳри ва садоқати, намунали хулқи ва одоби ҳамда ватанпарварлик фазилатлари билан тенгдошларига ҳар томонлама ўрнак бўлиб келаётган қуйидаги ташаббускор ва етакчи ёшларнинг бир гуруҳи "Келажак бунёдкори" медали билан мукофотланди. Улар орасида яқинда Ўзбекистон U-23 терма жамоаси билан 23 ёшгача бўлган Осиё кубоги финалигача етиб борган футболчилар ҳам бор.

Жумладан, Жасурбек Жалолиддинов, Ҳожимат Эркинов ва Ҳусайн Норчаев ушбу медаль билан тақдирланди.

Футболчиларимизни мукофот соҳиби бўлгани билан табриклаймиз ҳамда келгуси фаолиятида омад ва зафарлар тилаб қоламиз!

Link :

Source : president.uz

Receive latest football news directly on your phone. Subscribe for our Telegram channel!

Rating: +12