ОКМК собиқ футболчиси Алишер Жалилов: "Қатар қоида бузилишидан сўнг гол урди. Ўйин бўйича уларга ютқазмадик"

- Алишер, ўйин учун раҳмат. Учрашув бўйича фикрларингиз қандай?

- Ўйинни зўр бошлагандик. Тўғрисини айтсам, Қатар қоида бузилишдан сўнг гол урди. Ўйин бўйича Қатарга ютқазмадик.

- Ливанга қарши бўладиган учинчи тури ўйини ҳақида нималар дея оласиз? Тожикистон термасида кейинги босқич учун яхши имкониятга эга...

- Ливанга қарши баҳс биз учун финалга тенг ўйин бўлади. Бу учрашувда ғалаба қозонадиган бўлсак, катта эҳтимол билан гуруҳдан чиқамиз. Шу сабаб ҳам, фақат ғалаба учун ўйнаймиз. Пешонада ёзилгани бўлади, албатта. Лекин, биз фақат ғалаба учун ҳаракат қиламиз. Бизни финалга тенг ўйин кутмоқда. 

- Агарда ғалаба қозониб, кейинги босқичга чиқсангиз, бу Тожикистон учун тарихий натижа бўлади. Биринчи Осиё кубогидаёқ плей-офф босқичи...

- Ҳа, агар буни уддаласак биз учун жуда юқори натижа бўлади. Айтганимдек, бу ўйин биз учун финалга тенг. 

- Ўзбекистон терма жамоаси ўйинлари кузатиб боряпсизми?

- Албатта, Ўзбекистон термасига ҳам мухлислик қиляпмиз. Ўзбекистон иккинчи турда ғалаба қозона олса, плей-офф босқичига чиқиш учун яхши имконият пайдо бўлади.

Жалолхон Иноғомхўжаев суҳбатлашди