Ўйин олди машғулот "The Sevens"да бўлиб ўтди

Аввалига терма жамоамиз Бахтиёр Ашурматов бошчилигида чигал ёзди машғулотларини ўтказди. Шундан сўнг, майдонга 20та тўп қўйилди, футболчи эса 22 нафар. Қисқа масофага югуриб, ҳуштак чалинганидан сўнг тезроқ тўпни устига ўтириб олиш керак. Табиийки, икки нафар футболчи бундай паллада тўпсиз қолади. Бу машғулот ҳам кайфият кўтаради, ҳам футболчининг эпчилликка ундайди.



Кейин иккига бўлиниб тўп тепилди.

"Қизиллар": Элдор Суюнов, Бобур Йўлдошев, Егор Кримец, Салим Мустафоев, Фозил Мусаев, Сардор Рашидов, Ислом Тўхтахўжаев, Фаррух Сайфиев, Жавлон Иброҳимов, Шуҳрат Муҳаммадиев, Наврўз Алимов ва Воҳид Шодиев.

"Сариқлар": Игнатий Нестеров, Шавкат Муллажонов, Фаррух Сайфиев, Акмал Шораҳмедов, Анзур Исмоилов, Сервер Жепаров, Азизбек Ҳайдаров, Одил Аҳмедов, Санжар Турсунов, Темур Кападзе ва Игорь Сергеев.



Кўп ўтмай, Миржалол Қосимов "сариқлар" билан бурчак зарбасини ва ўн олти атрофида бўлиб ўтадиган хавфли вазиятлар устида ишлади. Бу сафарги машғулот бошқаларидан фарқ қилди. Қанотдан тўп оширилаётган чоғда, 4 нафар футболчи чалғитувчи вазифасини ўтайди. Бундан Аҳмедов, вазиятга қараб Ҳайдаров фойдаланиши керак. Кўрамиз, агар бугун шундай вазият юзага келадиган бўлса, футболчиларимиз кеча ўрганганларини қандай маромига етказадилар.



Машғулотлардан келиб чиқиб, тахмини таркибим қуйидагича ўрин олган:
Тахминий таркиб: Игнатий Нестеров, Фарруҳ Сайфиев, Шавкат Муллажонов, Анзур Исмоилов, Акмал Шораҳмедов, Азизбек Ҳайдаров, Одил Аҳмедов, Сервер Жепаров, Санжар Турсунов, Темур Кападзе ва Игорь Сергеев.


Нодирхўжа Юлдашев
Дубай