ЎФФ раҳбарияти Ўзбекистон ёшлар терма жамоаси билан учрашади
17 jun 2013 13:21
News

ЎФФ раҳбарияти Ўзбекистон ёшлар терма жамоаси билан учрашади

21 июнь – 13 июль кунлари Туркияда ёшлар ўртасидаги 2013 йилги жаҳон чемпионати баҳслари бўлиб ўтади.

Туркияда бўлиб ўтадиган кичик мундиалда Аҳмаджон Мусаев қўл остидаги Ўзбекистон ёшлар терма жамоаси ҳам иштирок этади. 2012 йилги ёшлар ўртасидаги Осиё чемпионати чорак финалида Сурия терма жамоасини мағлубиятга учратиб, жаҳоннинг энг кучли 24 терма жамоаси қаторига кирган ўзбекистонлик ёшлар ЖЧ-2013нинг «D» гуруҳида Хорватия, Янги Зеландия ва Уругвай терма жамоаларига қарши баҳс олиб боришади.

Ўзбекистон ёшлар терма жамоаси аъзолари жаҳон чемпионатида иштирок этиш учун 19 июнь куни Туркияга жўнаб кетишади. Сафар арафасида - 18 июнь куни ЎФФ анжуманлар залида федерация раҳбарияти ва терма жамоа вакиллари ўртасида учрашув бўлиб ўтади. Тадбирда ЎФФ Президенти Мираброр Усмонов иштирок этади.

Ўзбекистон ёшлар терма жамоасини Туркияга кузатишга бағишланган учрашув 18 июнь, сешанба куни, соат 10:00да бошланади. Тадбирга ОАВ ходимлари таклиф этилади.

Link :

Receive latest football news directly on your phone. Subscribe for our Telegram channel!

Rating: