Одил Аҳмедов: «Ўзбекистон термаси сафида энг тезкор голни урганимни айтишди»

Ўзбекистон терма жамоаси иккала ўйинда ҳам ғолиб бўлди, «Краснодар» футболчиси эса мамлакат рекордини қайд этди.

- Одил, энди Ўзбекистан терма жамоаси сардорисиз. Янги статусни қандай қабул қилдингиз?
- Олдин мен вице-сардор эдим, янги мураббий сардорлик учун сўров ўтказишга қарор қилди. Йигитлар менга овоз беришди, бу билан менга ишонч билдиришди. Уларнинг ишончини оқлашга уринаман.

- Филиппинга қарши баҳсда 1-дақиқадаёқ гол урдингиз. Фаолиятингиз давомида бунчалик тез гол урганмидингиз?
- Йўқ, бу биринчиси. Илк сонияларданоқ рақибга нисбатан прессинг қилдик, тўпни олиб қўйдик, менга тўп келгач тепишга қарор қилдим. Дарвозабон эса бунга тайёр эмас экан. Ўйиндан сўнг менга Ўзбекистон терма жамоаси тарихидаги энг тезкор голни урганимни айтишди.

- 3та ўйиндан сўнг Ўзбекистон ўз гуруҳида иккинчи ўринда бормоқда. Жамоа бундан ҳам кўпроғини истаяптими?
- Албатта, биз биринчи бўлишни хоҳлаймиз – мақсадимиз шундай. Биринчи ўрин кейинги босқич йўлланмасини тақдим этади. Ҳозир биз КХДРдан 3 очко орқадамиз, бу рақибни Тошкентда қабул қиламиз. Ўша ўйинда ғалаба қозонишга уринамиз. Бундан ташқари улар бошқа рақиблар билан ўйинларда очко йўқотишлари мумкин. Асосийси, ўзимиз очко йўқотмаслигимиз керак.