Одил Аҳмедов: "ЖЧ-2022 саралаши ишончли қўлларда, табриклайман"
27 jan 2018 17:56
News

Одил Аҳмедов: "ЖЧ-2022 саралаши ишончли қўлларда, табриклайман"

Ўзбекистон миллий терма жамоаси сардори Одил Аҳмедов телеграмдаги янги очган саҳифасида Ўзбекистон ёшлар терма жамоасининг ғалабасига муносабат билдирди.

"Қатар билан ўйиндан кейин футболчиларни бир мақсад йўлида жипслаштира олган мураббийлар штабига раҳмат айтган ҳолда, футболимизни уйғотиб юборган ёшлар терма жамоасини чин дилдан табриклайман. Энди ишонч билан айта оламан ва бу ўйинларни кўриб амин бўлдим-ки, 2022 йили бўлиб ўтадиган Жаҳон чемпионати саралаш ўйинларига тайёрмиз. Фақат футболчилардан бир нарсани илтимос қилиб қоламан, бу мусобақа Сизлар учун чегара бўлмасин! Ҳали олдимизда мухлисларимизни хурсанд қилишимиз керак бўлган кўплаб мусобақалар бор. Яна бир бор барчангизни табриклайман!!!", - деб ёзди Аҳмедов ўз телеграм каналида.