ОЧЛ. Ярим финал. Липпи хулоса чиқаришга ҳали эрта деб ҳисоблаяпти

Бунинг устига рақиб кимсан Япониянинг энг номдор жамоаларидан бири “Кашива Рейсол” эди.

Баҳс якунига етгач, “Гуангжу” бош мураббийи Марчелло Липпи ўз фикрлари билан ўртоқлашди:

“Биз биринчи бўлиб тўп ўтказиб юбордик, бунинг устига жарима зарбасидан. Танаффусдан кейин эса тезда ўзимизга келиб олдик ва тўртта гол уришга муваффақ бўлдик. Тўғри, рақиб тезкор футбол намойиш этди, лекин шу куни биз кучлироқ эдик”.

“Мен 64 ёшдаман ва 30 йилдан бери мураббийлик билан шуғулланиб келяпман, аммо шунга қарамай, жавоб баҳсида нималар рўй беришини билмайман. Футболда олдиндан нима бўлишини ҳеч ким айтиб беролмайди. Лекин ОЧЛни ютиш учун бор куч билан курашишимиз шарт”.

Эслатиб ўтамиз, Марчелло Липпи 1996 йил “Ювентус” билан Европа чемпионлар лигасини қўлга киритган. Агар италиялик мутахассис “Гуангжу” билан Осиё чемпионлар лигасида зафар қучадиган бўлса, ҳам Европада, ҳам Осиёда клублар билан энг нуфузли мусобақада зафар қучган илк мураббийга айланади.

Х.Холиқов тайёрлади.