Облак: "Феликс дунёнинг зўр футболчиларидан бири бўлишга қодир"

"Мен Феликсни Мадридга келмасдан олдан яхши билмас эдим. Машғулотлар давомида унинг катта имкониятларга эга эканлигини кўрдим.

Энди эса раҳбарият ажойиб иш қилганини ва жамоага юқори даражадаги ўйинчи келганини тушундим. Ўйлайманки, Жоау дунёнинг энг зўр футболчиларидан бири бўла олади. У аллақачон яхши ўйин намойиш этяпти ва шу темпда давом этади деган умиддаман", - дейди Облак.

Эслатиб ўтамиз, Феликснинг трансфери мадридликларга 126 миллион еврога тушди. У Португалия тарихидаги энг қиммат футболчига айланди.

Феликс ўтган мавсум "Бенфика" сафида 43та ўйинда майдонга тушиб, 20та гол ва 11та ассистга эришди.

Дунёнинг энг қиммат дарвозабонлари рейтинги