Нодирбек Тўйчиев: “Футбол шинавандаларини янги футбол мавсуми билан табриклайман”

Албатта жорий чемпионатни қизиқ ўтишига умид қиламиз. “Андижон” мухлислар клуби раиси Нодирбек Тўйичев янги олдидан ўз фикрларини билдириб ўтди.

- Авваламбор юртимиздаги барча футбол шинавандаларини янги футбол мавсуми билан самимий муборакбод этаман. Ишонамизки бу йил чемпионат жуда қизиқарли бўлади. Нега десангиз 4 та жамоамиз ОЧЛда жуда яҳши ўйнамоқда. Агар ОЧЛгадаги клубларимиз сингари яна шундай тўртта жамоа улар билан курашга киришса жуда хам қизиқарли бўларди.

- МОҚ ва ЎФФ президенти Мираброр Усмонов келишилган ўйинлар билан жуда қаттиқ шуғулланяпти. Умид қиламизки бу йил келишилган учрашувлар бўлмайди ва ишқибозлар тоза футболга гувоҳ бўлади.

Севимли жамоам “Андижон”ни бу йилги селекциясидан кўнглим тўқ дея оламан. Балки бошқаларга ёқмаслиги мумкиндир. Яхши футболчилар олмади деб. Лекин ҳозирги йигитларни қишки тайёргарликларида иккита ўйинини кўрдим. Иштиёқ бор футболчиларни олди Эдгар Гесс. Ҳозирги шароитимизга қараганда жамоамиз кучли. Чунки хозир “Андижон” жамоамиз жуда қийин ахволда. Худо хоҳласа яхши ҳам бўлиб кетар. Клубимиздан хомийимиз хафа шекилли. Негаки жамоа ютқазавергач хомийимиз хам пул бермсдан қўйди. Бу йил жамоанинг ғалабалари сони кўп бўлса, ҳомий ҳам маблағ ажратиб беради ва ҳаммаси жойига тушади деган умиддамиз.

- Биз мухлислар Эдгар Гесс шогирдларига ишонамиз. Болларни ўйнатиб юборишда мураббий ҳам катта роль ўйнайди. Биз Гессга ишонамиз.

- “Бунёдкор”, “Пахтакор”, “Локомотив” ва “Насаф” клубларига бу йилги чемпионатда “Олмалиқ”, “Нефтчи”, “Машъал”, “Навбахор” ва албатта “Андижон” жамоалари жиддий қаршили қиладиган жамоалар деб биламан. Масалан водий жамоаларини уйида юқорида номи келтириб ўтилган тўртта клуб жуда қийналади. Чунки ўзиз ҳам биласиз водийни 12-ўйинчилари жуда кучли. Шунга водий жамоалари жиддий қаршилик қила олишади деб қўрқмасдан айта оламан, - дейди Нодирбек Тўйчиев.