Ўзбекистон U-23 терма жамоаси сафида ўзгариш юз берди
01 sep 2025 08:52
News

Ўзбекистон U-23 терма жамоаси сафида ўзгариш юз берди

Белгиянинг “Антверпен” клуби шарафини ҳимоя қилаётган Муҳаммадали Ўринбоев кеча “Вестерло” жамоасига қарши ўйинда захирадан майдонга тушди.

Ўйин якунлангач, унинг эски жароҳати безовта қилгани сабаб, жамоанинг тиббий ва жисмоний тайёргарлик бўйича мутахассисларининг сўровига биноан Ўринбоевнинг тикланиш жараёнлари ўз клубида давом эттирилиши борасида қарор қабул қилинди.

Шу боисдан унинг ўрнига “Олимпик Мобиуз” футболчиси Муҳаммедали Реимов йиғинга жалб этилди.

Эслатиб ўтамиз, Равшан Ҳайдаров бошқарувидаги жамоамиз 3–9-сентябрь кунлари U-23 Осиё кубоги саралаш баҳсларида иштирок этади ва Шри-Ланка, Қирғиз Республикаси ҳамда Фаластинга қарши баҳс олиб боради.

Link :

Source : Uzbekistan FA

Receive latest football news directly on your phone. Subscribe for our Telegram channel!

Rating: -1