Нодир Қўзибоев "Қўқон-1912"ни тарк этди

Маҳоратли футболчи Нодир Қўзибоев ёзги ўқув-йиғин чоғида "Қўқон-1912" машғулотларида иштирок этаётганди. Жамоа бош мураббийи Тоҳир Кападзе марказий ярим ҳимоя чизиғини айнан ушбу футболчи орқали шакллантиришни режалаштирганди. Аммо қўқонликлар Тошкентдаги йиғинни якунлаб қайтиб келганидан сўнг, Қўзибоев клуб лагерини тарк этди. Бу хусусда Тоҳир Кападзе championat.asia га шундай деди:

- Ҳа, Нодир биз билан бирга эмас. Унинг иккинчи босқичда жамоамизда кўришни истагандик. Маҳоратли футболчи. Фойдаси тегарди. Лекин Қўзибоев бугунги кунда ҳуқуқий жиҳатдан "Истиқлол" жамоасига тегишли ўйинчи ҳисобланади. Шу боис бу жамоа етакчи ўйинчисини қўйиб юборишни истамади. Очиғини айтганда, трансфер учун пул сарф қилмадик. Асосан ўзимизни қўқонлик ёки Фарғона вилоятиидан бўлган, эркин агент мақомини олган ўйинчиларни таркибга жалб этдик. Шунингдек вилоятнинг асосий жамоаси "Нефтчи"дан ҳам бир нечта ўйинчилар ёрдам қилинди.


Исломбек Рустамбеков