Нестеров ва Жепаров "Бунёдкор" билан ўйинни ўтказиб юборади
29 jun 2016 13:22
News

Нестеров ва Жепаров "Бунёдкор" билан ўйинни ўтказиб юборади

Олий лигада чемпионлик учун курашаётган "Локомотив" навбатдаги тур баҳсини ўз майдонида ўтказади. "Темирйўлчилар" 1 июль куни ТТЙМИ стадионида "Бунёдкор"ни қабул қилишади.

"Тошкент дербиси" мақомига эга мазкур баҳсни "Локо"нинг икки нафар асосий футболчиси ўтказиб юборади. Дарвозабон Игнатий Нестеров аввалги ўйинда қизил карточка олгани боис жума куни майдонга туша олмаса, етакчи ярим ҳимоячи Сервер Жепаров жароҳати сабаб даволанишга мажбур. Жепаровнинг икки ҳафтадан сўнг майдонга қайтиши кутилмоқда.

Маълумки, "Локомотив"нинг 8-рақамли футболчси "Металлург" билан кечган баҳснинг 58-дақиқада захирадан майдонга тушганди, бироқ жароҳат туфайли 78-дақиқада яна майдонни тарк этишга мажбур бўлди. Сервер атиги 20 дақиқача тўп тепишга улгурди. Жепаров ҳозирда даволаниш билан банд ва яқин орада бўлиб ўтадиган ўйинларда иштирок эта олмайди.

Link :

Source : lokomotiv.uz

Receive latest football news directly on your phone. Subscribe for our Telegram channel!

Rating: +2