"Навбаҳор": Тошкентдаги йиғинда "Насаф", "Қизилқум" ва "Машъал" билан ўйнаймиз

Аввал хабар бериб ўтганимиздек, футболчиларимиз пойтахтда 28 июлга қадар шуғулланишади. Бу вақт оралиғида “Насаф” (21 июль), “Қизилқум” (24 июль) жамоаларига қарши назорат ўйинларини ўтказиш режалаштирилганлиги хусусида маълумот бергандик. Ўтган вақт давомида режага киритилган учинчи ўйиндаги рақибимиз номига ҳам ойдинлик киритилди. Музокаралар якунига кўра 27 июль куни Муборакнинг “Машъал” клуби билан куч синашадиган бўлдик.

Айни пайтда жамоа машғулотларида “Чуст-Пахтакор” жамоасидан таклиф этилган ҳимоячилар Мирзоҳид Маҳкамов (18.02.91), Бобиржон Расулов (10.06.86) ва ярим ҳимоячилар Фарруҳ Йўлдошев (01.02.89)лар иштирок этишмоқда. Ушбу футболчилар мураббийларда ижобий таассурот қолдиришса иккинчи даврада “Навбаҳор” шарафини ҳимоя қилиш имконига эга бўлишади. Тошкентдаги йиғин давомида эса тажрибали ўйинчиларни сафга қўшилиши кўзда тутилган.