"Насаф"даги барча муаммолар бартараф қилиндими?

Lokomotiv Azizbek Amonov - 13', Azizbek Amonov - 38'

Superliga. Round 13 30/07/2021, 20:00 0 : 2 Finished

Nasaf

45'

90'

13'  Azizbek Amonov

38'  Azizbek Amonov

60'  Жасур Жалолиддинов (Javokhir Sidiqov)

80'  Diyor Turapov (Dilshod Komilov)

80'  Sanjar Qodirqulov (Sadriddin Abdullaev)

90'  Dilshod Komilov

90'  Abdumavlon Abdujalilov

90'  Javokhir Sidiqov (Javohir Abdualimov)

90'  Shukhrat Mukhamadiev (Javokhir Alijonov)

46'  Abubakrrizo Turdaliev (Bahrom Abdurahimov)

58'  Jurabek Mannonov (Andrija Kaludjerovic)

58'  Murodbek Rakhmatov (Doniyor Narzullaev)

89'  Bahrom Abdurahimov

90'  Marko Stanojevic

Open in Match Center

Учрашувдан кейин "аждарлар" спорт директори Ботир Қораев билан кичик суҳбат уюштирдик.

— "Машъал"да ёрдамчи мураббий сифатида фаолият юритаётган эдингиз. "Насаф"га қайтиш жараёни қандай бўлди?

— Тўғри, Муборакда эдим. Йил аввалида "Насаф" раҳбариятидан жиддий таклиф бўлгач, Қаршига кўчиб ўтдим. Ҳозир спорт директори сифатида ишлаяпман.

— 2021 йилнинг бошида клуб атрофида жуда ҳам хунук миш-мишлар юрганди. Ҳаттоки, "Насаф" йўқ бўлиб кетиши ҳақида гапирганлар ҳам бўлди. Бу сизни чўчитмадими?

— Йўқ, нега қўрқаман? Узоқ йиллар давомида "Насаф" шарафини ҳимоя қилганман. Футболчилик давримда ҳам пул йўқ пайтлар бўлган, ўйнаганмиз.

— Мавсум ўртасига келиб, барча муаммолар бартараф қилиндими?

— Молиявий жиҳатдан жуда яхши деб бўлмайди. Лекин ҳаракат қиляпмиз. Насиб қилса, яхши бўлиб кетади.

— "Насаф" яна ОФК кубогини ютмоқчи. Аммо бугунги жамоани 2011 йилгиси билан таққослаш имконсиз...

— Тўғри, 2011 йилги жамоа жуда ҳам тажрибали эди. Ҳозир кўряпсиз, таркибимиз ёш, аммо ҳаракатчан. ОФК кубогидаги ғалабага 10 йил бўлди. Яна ҳаракат қиламиз.

— Клубдан эркин агент сифатида кетиши кутилган Бозоров, Алиқулов сингари футболчилар билан узоқ муддатли шартнома имзоланди. Бу жараён қийин бўлдими?— Йигитларнинг маошини оширишимизга тўғри келди. Ҳозир барча футболчилар 2024 йилнинг охирига қадар мўлжалланган меҳнат битимига эгамиз.

— Трансфер ойнасида хориждан Андрия Калудерович олиб келинди. Ҳужумчи яхшилаб ўрганилдими?

— ОФК кубогида ғалаба қозониш учун яхши форвард керак бўлади. Бизда болгариялик ва сербиялик бир нечта вариантлар бор эди. Уларинг ўйинларини кўрдик ва Калудеровични танладик. У кеча жамоа таркибига келиб қўшилди. Янги муҳитга мослашиш бироз вақт оладиган жараён.

— Муродбек Раҳматовни (собиқ Мурод Хўжамбердиев) ОФК кубогида ўйнатиш режалаштирилаётган экан. Бу жамоага муаммо туғдирмайдими?

— Йўқ, ҳеч қандай муаммо бўлмайди. Барча ўз исм ва фамилиясини ўзгартириш ҳуқуқига эга.

Нега турнинг марказий ўйинига ВАР жалб қилинмади?