"Насаф": Ёшларга имконият тақдим этилмоқда
02 nov 2015 07:49
News
![](https://championat.asia/upload/storage/187449_original.jpg)
![](/upload/storage/187449_220.jpg)
"Насаф": Ёшларга имконият тақдим этилмоқда
Жамоамиз бош мураббийи Рўзиқул Бердиев “Динамо”га қарши баҳсда “Насаф” футбол мактаби тарбияланувчиси Азиз Ғаниевни асосий таркибда майдонга туширди.
1998 йилда туғилган ёш истеъдодли футболчимиз илк бор олий лига доирасидаги баҳсда тўлиқ 90 дақиқа ҳаракат қилди. Азиз Ғаниев шу куни майдон марказида жамоамиз етакчиси Эркин Бойдуллаев йўқлигини билинтирмасликка ҳаракат қилди. Ушбу иқтидорли футболчи бу ўйинда ўзини йўқотиб қўймади ва анча дадил ўйнади. Машғулотларда ўз акаларидан керакли жиҳатларни ўзлаштираётган Азиз Ғаниев буни амалда исботлай олди. Жамоамиз бош мураббийи Рўзиқул Бердиевнинг ёшларга имконият бериш, уларга йўл очиш сиёсатини анча самарали амалга оширилмоқда. Шунингдек, “Динамо” билан бўлган баҳсда шунингдек яна бир қатор академиямиз тарбияланувчилари - Дониёр Нарзуллаев, Шароф Муҳиддинов каби истеъдодли ёшлар ҳам захирадан майдонга тушишди.
Ажаб эмас келажакда Азиз Ғаниев Рўзиқул Бердиевдек майдон марказида ҳақиқий етакчи бўлиб етишса. Азиз Ғаниев ҳаракат қилган нуқтада ўз вақтида жамоамизнинг ҳозирги устози Рўзиқул Бердиев ҳаракат қилгани кўпчиликда ёдида. Энг қизиғи, Азиз Ғаниев ҳам Рўзиқул Бердиев сингари 6-рақам остида ўйнамоқда.
Similar news
![AMP Logo](https://championat.asia/image/logo-amp.png)
Comments