"Насаф" сафида янги футболчилар пайдо бўлиши мумкин
01 feb 2018 11:53
News

"Насаф" сафида янги футболчилар пайдо бўлиши мумкин

ОЧЛ-2018 гуруҳ босқичига йўлланмани қўлга киритган “Насаф” футболчилари айни кунларда ҳордиқ чиқаришмоқда.

Футболчилар 3 февраль шанба куни, Қарши шаҳридаги ўз қароргоҳида йиғилишади ва ОЧЛ-2018 “С” гуруҳ босқичининг 1-тур учрашувига тайёргарликни бошлайди.

“Насаф” 13 февраль сешанба куни, Эрон пойтахти Теҳрон шаҳрида “Персеполис” жамоасига қарши, гуруҳ босқичининг дастлабки учрашувини ўтказади. Клуб делегацияси 10 февраль куни Эронга сафар уюштиришни режалаштирган.

Бунгача “аждарлар” Қаршида назорат учрашуви ўтказишни ҳам мўлжалламоқда. Назорат учрашувидаги рақиб ким бўлишини кейинроқ маълум қиламиз.

Албатта, жамоа сафида янги футболчилар пайдо бўлиши мумкин. Бу ҳақда ҳам кейинроқ аниқ маълумот берамиз, - деб ёзади клуб расмий сайти.