Latest news

14:30Кападзе ФИФА кунларида терма жамоа бошқарувида бўлади  2 14:02Ротация режалаштирилган. "Реал" "Қайрат"га қарши ўйинда майдонга тушириши мумкин бўлган футболчилар маълум  3 13:39"Милан" ва "Интер" "Сан Сиро"ни бузади  0 13:17"Машъал" "Бухоро" билан ўйиндан олдин 2 нафар йўқотишга эга  3 12:57Аҳрор Рисқуллаев Суперлигада юбилей ўйинини бошқарди  3 12:34Уругвайнинг асосий футболчилари Ўзбекистонга қарши баҳсни ўтказиб юбориши мумкин  3 11:45"Насаф" "Ал Ҳилол"га кичик ҳисобда мағлуб бўлган учрашувдан галерея  5 11:20Игорь Сергеев: "Илк дақиқалардан вақт чўзиш ҳолати кузатилди, муҳими ғалаба қозондик"   0 10:48"Арсенал" асосий футболчиси билан узоқ муддатли шартнома имзолади  0 10:22Клопп Осиё жамоасини бошқариши мумкин  1 09:55Хави МЮни бошқаришга рози  8 09:27Sofascore. Ҳамробеков жамоадошлари орасида энг яхши баҳолардан бирига лойиқ кўрилди  1 09:01Sofascore. Аламли тарзда мағлуб бўлган "Насаф" футболчилари неча баҳога лойиқ кўрилди?  21 08:33"Пахтакор" "Сурхон"ни қийинчилик билан мағлуб этган учрашувдан ФОТОГАЛEРEЯ  0 08:07Суперлига. Бугун 23-тур якунланади  9

"Насаф" жамоаси аъзолари Чироқчидаги 1-БЎСМда бўлишди News

"Насаф" жамоаси аъзолари Чироқчидаги 1-БЎСМда бўлишди

Жисмоний тарбия ва спортни аҳоли орасида, хусусан ёшлар орасида кенг тарғиб қилиш, истеъдодли спортчи-ёшларни эрта аниқлаш мақсадида жойларда турли спорт тадбирлари давом этмоқда

Жумладан, 4 декабрь куни Чироқчи туманидаги 1 – сонли болалар-ўсмирлар спорт мактабида Қаршининг “Насаф” футбол клуби жамоаси ташриф буюрди.   

 Мазкур тадбир Чироқчи туман ҳокимлиги, туман халқ таълими бўлими, туман жисмоний тарбия ва спорт бўлими ҳамда  1- сонли болалар-ўсмирлар спорт мактаби ташаббуси билан ташкил этилди.  “Насаф” футболчиларнинг БЎСМ тарбияланувчилари билан бўлиб ўтган учрашувида бош мураббий Рўзиқул Бердиев ҳамда  Бобур Абдухолиқов, Ойбек Бозоров сингари ўйинчилари сўз олиб, футболга ошно бўлган боланинг катта спорт сари боришида иродани мустаҳкам бўлиши, машғулотларда тобланиши, ўз устида ишлаши  хусусида тўхталиб ўтди ва ўқувчиларнинг қизиқтирган саволларига   батафсил жавоб беришди. 

Шундан сўнг “Насаф” футболчилари ўқувчилар билан икки жамоага бўлиниб, мастер-класс кўринишидаги ўйин ўтказишди. Мазкур тадбирда  иштирок этган   Чироқчи туман ҳокими Хуррам Жўраев ҳам “Насаф” клубининг бундай ташрифидан мухлисларнинг, айниқса, ўқувчиларнинг кўнгли шод бўлгани, уларнинг спортга, футболга бўлган иштиёқи  ортганини таъкидлаб ўтди. Янаям эътиборлиси, тадбир сўнггида “Насаф” жамоаси ва туман ҳокимлиги “3 декабрь – Халқаро ногиронлар куни” муносабати билан тадбирга таклиф этилган ногиронлиги бўлган    бир гуруҳ фуқароларга ногиронлик аравачалари ва бошқа қимматбаҳо совғалар ўлашди. Бундан ташқари БЎСМ тарбияланувчилари ҳам “Насаф”нинг турли спорт жиҳозларидан иборат совғаларига эга бўлишди.


Илҳом РАҲМОНОВ тайёрлади   

Rating: +3   

Comments

championat.asia
< show latest news
Яндекс.Метрика