МЮ ўйинчиси Доминикандаги сирли ўлимлардан сўнг меҳмонхонани тарк этди

Аргентиналик футболчи Кариб оролларидаги сирли ўлимлар сериясидан сўнг кетишга қарор қилган.

Hard Rock Hotel меҳмонхонасида, апрель ойида 67 ёшли АҚШ фуқароси Роберт Белл Уоллес вафот этди. Уоллес унгача хонасидаги мини-бардан виски ичган. Бир ой ўтиб эса ўша меҳмонхонада 51 ёшли Миранда Шауп-Вернер ҳалок бўлган. У ҳам мини-бардан ичимлик ичган эди. 5 кун ўтиб эса бошқа меҳмонхонада яна бир АҚШ фуқароси ўлик ҳолда топилган.

Доминикандаги барча меҳмонхоналарда сўнгги ойларда 6та америкалик турист вафот этган.

Рохо эса булар ҳақида борганидан сўнг хабар топган.

Эслатиб ўтамиз, 29 ёшли аргентиналик футболчи "Манчестер Юнайтед" сафида барча турнирларда 9та ўйинда майдонга тушиб, 1та гол уришга эришган.