МЮ "Барселона" футболчисининг товон пулини тўлашга тайёр

Маълумотларга кўра, МЮ вакиллари қишки трансфер ойнасидан бери франциялик агентлари билан алоқада бўлиб турибди.

"Юнайтед" Юмтитига йиллик маоши 9 млн. евро бўлган шартнома таклиф қилмоқда. Манкунианлар футболчининг битимидаги 60 млн. евролик товон пулини тўлашга тайёр.

Юмтити трансферига МЮ бош мураббийи Жозе Моуриньонинг шахсан ўзи қизиқмоқда. У бир неча бор футболчи билан боғланиб, телефон орқали суҳбатлашган.

"Барселона"дагилар ҳимоячи билан шартнома узайтириш ниятида, бироқ 9 млн. евролик маошни жуда катта деб ҳисоблашмоқда. Юмтити эса айнан шундай маош истамоқда. Каталонияликлар бу муаммони ЖЧ-2018 бошлангунга қадар ҳал қилишмоқчи.