Музаффар Абдуллаев: “Сўғдиёна” га қайтганимдан хурсандман"

Бир мавсум ушбу дарвозабон “Сўғдиёна” шарафини ҳимоя қилган. Иккинчи даврада Музаффар Абдуллаев жиззахликлар шарафини ҳимоя қилади. Бугун биз Музаффар Абдуллаев билан қисқача суҳбат қилишга қарор қилдик.

Музаффар, “Сўғдиёна” га қайтишингизга нима сабаб бўлди?

-Авваламбор,жиззахлик муҳлисларга алангалик салом. Яна Жиззахга қайтганимдан хурсандман.Менга 2-3 та жамоалардан таклиф бўлди. Буларнинг орасида “Сўғдиёна” ҳам бор эди. Хеч ўйлаб ўтирмай собиқ жамоага қайтдим. Ўткан йилги жамоа билан ҳозирги жамоада катта фарқ бор. Ҳозирги жамоа ҳам  менга бегона эмас. Муҳими аҳилмиз.

Жамоага қайтганингизда ўз олдингизга қандай мақсадларни қўйдингиз?

-Албатти жамоанинг ғалабаларига ўз ҳиссамни қўшиш ва юқори ўринларга олиб чиқиш. Мени шу жамоага таклиф қилган инсонларни ишончини оқлаш.Жамоа билан ўз олдимизга қўйган мақсадга эришиш. 

Иккинчи даврага тайёргарлик қандай бўлди?

-Тайёргарликнинг бирини қисми Зоминда бўлди. Унда асосан жисмоний ҳолатимизга қаратилган машқлар бажардик. Кейинчалик Тошкетда давом этди. Унда назорат учрашувларидаги  ўйин тактикаларига  эътибор қаратилди. Жамоамиз иккинчи даврага 100% тайёр.

Олий лиганинг 16-турида ўз майдонимизда “Бунёдкор” ни қабул қиламиз. Ўйин борасида қандай фикрдасиз.

-Юқорида айтиб ўтганимдек,иккинчи давра учун тайёргарлик яхши бўлди. Таркибга бир қатор янги футболчиларни қўшиб олдик. “Бунёдкор” кучли жамоа,аммо ҳозирги кунда ҳамма жамоалар билан ўйнаса бўлади. Ҳаммаси ўз қўлимизда. Ўз майдонимизда қабул қиламиз ва албатта ғалаба учун майдонга чиқамиз. Худо хохласа,мухлисларимизни хурсанд қилишга харакат қиламиз. 

Дилдора Холбоева

“Сўғдиёна” матбуот хизмати котиби