Мухлисларнинг “Марказий”га киришига соат 15:00дан рухсат берилади

Жамоамиз ишқибозлари ўйин бошланиш вақтини сабрсизлик билан кутишмоқда.

“Марказий” стадиони ушбу учрашувни қабул қилишга тайёр. 

Бугунги “Насаф” – “Ал-Жаиш” учрашуви соат 18:45да бошланади. Мухлисларни стадионга киришига соат 15:00дан бошлаб рухсат этилади.

Ўйинга чипта харид қилган мухлислардан ўз вақтида стадионга келишларини тавсия этамиз. Чипталар сотуви давом этмоқда. Футбол ишқибозларига чипталарни фақат стадион атрофида жойлашган махсус чиптахоналаримиздан харид қилишларини сўраймиз.

Шунингдек, бугунги учрашув “Спорт” телеканали ва Қашқадарё телевиденияси орқали тўғридан – тўғри намойиш этилади. Бунинг учун аллақачон Ўзбекистон МТРКсининг кўчма телевизион станциялари “Марказий” стадионга ўрнатилган. Учрашувни Дилшодбек Тўхтабеков шарҳлаб боради, трансляция режиссёри Анвар Ўрмонов.