Мухлислар Мессидан Маскерано "Барселона" сафидаги биринчи гол уриши учун имкон беришини сўрашмоқда

Маскерано "Сельта"га қарши баҳсдан (6:1) сўнг, жамоада ўтказган ўйинлари сони бўйича Каталония клуби собиқ ҳимоячиси Рональд Куманга етиб олди. Аммо Кумандан фарқли ўлароқ, Маскерано ҳозиргача "Барселона" сафида бирорта ҳам гол ургани йўқ.

Мухлислар футболчининг эришга муваффақиятларини ҳисобга олиб, бу ноҳақлик деб ҳисоблашди. Улар жамоа ҳужумчиси Лионель Мессига юзланишди:

"Месси, Маскерано гол уриши учун имкон беринг. У "Барселона"нинг ҳақиқий юлдузига айланди деб ҳисоблаймиз. Хавьер жамоа учун жуда кўп ишларни амалга оширди ва у керакли ҳурматга сазовор бўлмаяпти деб ўйлаймиз. Бунинг учун Маскерано пенальти тепишига қўйиб берсангиз".